|
03-01-2003, 02:04 AM | #1 | |||||||
شاعر السقيفه
|
مساجلات الشعراء .. ( العشق والعشقه ) ..
[poet font="Simplified Arabic,5,crimson,bold ,normal" bkcolor="" bkimage="http://www.alshibami.net/saqifa//backgrounds/49.gif" border="ridge,2,gray" type=0 line=200% align=center use=ex char="" num="0,black"]
$$$$$$ *$$$( الـــشـــعــف )$$$* $$$$$$ يـقول بـوشعفان .. زاد الـشوق والقلب احترق مـن فـرقة الـخلان .. شـونا خاطري محروق *** ماحد رحم حالي .. عطف عالشعف والا ريت رق تـذرف دمـوع الـعين .. كل ماله ذرف رقروق *** هـايم بـحب الـغيدقلبي .. فـي مـفاتنهن عشق يـاريت يـاالسامع .. تـشل قـبله الـىالمعشوق $$$$$$ *$$$( بكـــــــّــار )$$$* $$$$$$ هيجتنا باشجان .. يا العاشق و غيرك قد سبق درب الهوى احزان .. حد سابق و حد مسبوق *** يمسي قليبي من جفا خلي كما بطن المدق يا ريت با يرضى و لو جسمي غدا مدقوق *** بس اشتهي نظره الى الحوري و لو قالوا سرق ماهي ملامه يا عرب قلبى معه مسروق $$$$$$ *$$$( شـبـامي اصـلـي )$$$* $$$$$$ اشواق بي واشجان ماهي حق رسائل او ورق لاشفت محبوبي يزيل الهم والخاطر يروق *** جعده سود هندي واما الثغر كالبارق برق باسري لشانه لوتحن كل الصواعق والبروق *** ياريت الاّ با لِثِم جبهته مابين الحدق باخزي بها اهل الحسد لي بقو فينا حدوق $$$$$$ *$$$( عــاشق الــدان )$$$* $$$$$$ سلام للشعار من عندي وذا واجب وحق جمال هو والشعف والاصلي لهم عندي حقوق *** وباقي الحلان مانساهم بهم قلبي خفق لا قد ذكرت الدان واصحابه يزيد بالخفوق *** العشق والعشقه بها قلبي تذوب واحترق يالشعف يالصمصوم يكفي لا تذكرنا الحروق *** لاهو نسي خله ولا خله تلطف به شفق يا بخت من هو في الهوى لاقى محب عاشق شفوق $$$$$$ *$$$( جـمـال العـطاس )$$$* $$$$$$ خلي معذبني . . في العشقه ولا عمره صدق وانا الذي واضح . . معه في حبنا وصدوق *** يلومني دايم . . ويهجرني على باطل وحق ياريت ذا قدّر . . محبتنا ولا راعى حقوق *** من يوم حبيته . . يمر اليوم كله في قلق مالاق قلبي يوم . . طول الوقت انا مقلوق $$$$$$ *$$$( شـبـامي اصـلـي )$$$* $$$$$$ خلي شبيه الظبي لي عامد على روس العِرق * ابيض ترف فتان تشوف الدم مثناة العروق *** ريقه عسل في الثغر مثل الجبح لي نوبه فرق والنحر شبه الليم والرمان ماشي جم فروق *** بالله يامرسال قم قلّه على خلّك لحق شفنا مريض الفرش من فرقاك عجّل في اللحوق $$$$$$ *$$$( عــمـر خـريـص )$$$* $$$$$$ يامرحبا بأبيات شاعرفي هوى العشقه نطق الشعف لي هو قام يتغزل في حسينات النطوق *** لا تحسب العشقه سهيله من دحق فيها دحق عاد الوجع قدام عاد الرجل تتعبها دحوق *** شف ذا المحبه بحر من لا ماعرف يسبح غرق في متنها عشاق جم ضلوا وامسوا في غروق *** وان كان حسبت المسالة سهلة ووصله في مرق السم في الوصله لاتهنى لك ولا باتروق $$$$$$ *$$$( جـمـال العـطاس )$$$* $$$$$$ نور المحبه . . في وسط قلبي. . لمحبوبي شرق لكنني عاشق احب الليل مااهوى الشروق *** خلي يلاوعنا وطبعي مع طباعه ماأتفق ورغم ذا سكران في حبه ولاقادر افوق *** لاجيت بالومه على كلمه كذب والا اختلق اموت في زينه وفي غنجه وهو ماهو خلوق *** كلما نويت الهجر با أترك محبتنا بشق هاجت علي نيران حبه في وسط قلبي وشوق $$$$$$ *$$$( الـــشـــعــف )$$$* $$$$$$ كـذها مـقاله مـايحب الـهر .. الا من خنق ومـن فـعايل صـاحبي .. دايـم انـا مخنوق *** لا جيت بارقّع شعوقه .. جاء ومن بعدي خزق كل مااحترف والا اصطرف .. طلّع لنا خازوق *** قـالوا لي العذال .. با تزعل وبا يجيك الحنق جـاوبتهم فـرحان مـش زعـلان او محنوق *** وان مـالحقت الـلحم شـونا بـاتغسل بالمرق مـا عـذر مـايرتاح بـالي بـالمرق ويروق $$$$$$ *$$$( شـبـامـي اصـلـي )$$$* $$$$$$ ودي بسمره بس انا والزين لاوقت الغسق والزين دوبه زين قط ماينعرض في كل سوق *** حوري من الجنه جل الله مثله ماخلق ماغير يوسف هو وخلي في صفاته والخلوق *** العشق ذابلوه على ذاالقلب كم أدمى وشق والقلب مثل الكاس تفنيه المساقط والشقوق $$$$$$ *$$$( بكــــــّــــار )$$$* $$$$$$ با عارض النسمه.. عسانا اظفر بعطره لي عبق من يوم ما عدى و دربه بالشذى معبوق *** يا واثق الخطوة ملَك... ماشي و صوته طقٌ.. طق يا كم اسر حسنك فوارس ... حطٌهم في طوق *** با يشهد القمري.. على حالي.. مع طير العنَق بيت كما المجنون.. من تغميز ربات العنوق $$$$$$ *$$$( جـمـال الـعـطاس )$$$* $$$$$$ لاحن لي مره.. ولايعطف على حالي.. ورق ماأدري متى بالي في العشقه مع خلي يروق *** كلما خرجني من نفق مظلم يدخّلني نفق خائف على قلبي وجسمي من هليكه اونفوق *** اشوف بعض الوقت ضيّق بيننا مثل الحلق ماهي محبه ذه وقدها الا مقابض بالحلوق $$$$$$ *$$$( الـــشـــعــف )$$$* $$$$$$ سـبحان ذي صـور جمال الزين ابدع لي خلق مـلك كـل المحاسن .. ماملك مثله ابد مخلوق *** شـبيه الـحور فـي زيـنه .. يـلا عبهم فرق جماله كامل الاوصاف .. يخدّ الشعر لي مفروق *** جـبينه بـالدرر بـرّاق .. وكـل مـاله بـرق وذاك الـنهد لـي مـزيون .. بالتفاح والبرقوق *** بـاطرحه فـي كفه وحور العين باطرحهم بشق تـغار الريم من حسنه .. ورقّة عوده الممشوق $$$$$$ *$$$( بــاجــــــرش )$$$* $$$$$$ الـعشق لا صـبيت من شهده حرق هـو يشعل الحرقة ويدهن عالحروق *** مـا يـختفي حـتى لو خندق نفق مـاله سوى الحفرة من بعد النفوق *** لا حـنة الـعشقة بـها البارق برق الـرعد بـالمسمع وبالعين البروق *** مـن شـعركم ياخوان الخافق خفق وغـدى مثل الطير لا رفرف خفوق *** الـمعتني الـزين مـن رمشة شرق نوره حسين الطرف من ذاك الشروق $$$$$$ *$$$( شــيخ الـقبايل )$$$* $$$$$$ يامرحبا ببيات في العشقة دوا للي عشق لملم جروحه بالمغاني ، وارتوى من بعد شوق *** من بعد ما استامن خفوق الضبي ، صافح و اعتنق عقدت له البيعة ، مليك الحب مفدي بالعنوق *** السن ضاحك ، والخجل مخلوط لونه بالغسق والشمس تتودع ونا مسهن الى بعد الغسوق *** ما باك يالمزيون تتجفل اذا الباب انغلق ذا وقت للعشاق .. و الاشواق .. والسر الغلوق ! $$$$$$ *$$$( احـمـد الـعـطاس )$$$* $$$$$$ شوقي الى الصفراء العلية وانت ياشاهق شهق أم الغلوب العالي لي فيش كم عالي شهوق *** ما عاش ياولد الشعف لي هو من اصحابه حنق طبعي سلي ياصاحبي والله ما طبعي حنوق *** بنشدك ياولد الشعف كل من يحب وألا عشق يبقى معذب طول عمره دائم الصبوة عشوق *** حد شاف لي قمري هجرني في الدجى قبل الغسق بيتت طول الليل في همرة الى مان الغسوق *** من طلعته قلبي فرط سبحان ربي لي خلق الزين كله قد تجمع في صفاته والخلوق *** من بعد ما ولّى تركني في الهوى وحدي بشق أما أنا قد زاد شوقي شوق ما يشبهه شوق *** لاجيت با قاضيه في العشقة وبا طالب بحق جوب علي قاضي الهوى في العشق شف ماشئ حقوق *** ولعاد يرضينا سوى من عز ماله لانفق نفقة كبيرة لي تخلينا من الغفلة نفوق $$$$$$ *$$$( جـمـال الـعـطاس )$$$* $$$$$$ جسمي وهن ياناس .. في العشقه غدا مثل الخرق ذائب انا في زين خلي والمحاسن والخلوق *** لكن طبعه جاف عاملنا بغلظه مارفق والخل يتحنن على خله في العشقه رفوق *** ماحد يخلي صاحبه دائم منكد في الحرق الله يصبّر قلبي المسكين يطفيها الحروق *** حد بار في حبه لخلانه وحد في الحب عق شرع الهوى ياناس مايقبل مشقّه أو عقوق *** واللي يحب يصبر ويتحمل ويطلعها عرق مادام حب خله سكن في القلب جاري في العروق [/poet] * العِرق : روس الجبال الشاهقه |
|||||||
03-01-2003, 03:25 AM | #2 | ||||||
شخصيات هامه
|
مشكور ياأخي الشعف
على جهدك على التنسيق الجميل ولكنك بغيناك تدخل في الفصل الجديد.. وانت واحمد امدحوا الجمل ونحن بانستلم دور ثاني.. الحاصل اللي تشوفه ..كله زين |
||||||
03-05-2003, 08:09 AM | #3 | |||||||
مشرف سقيفة التراث
|
احسنت يالشعف
اشكرك من قلبي يالغالي . تنسيقك للقصائد يعطيها طابع الترسل ياريت اخونا الشبامي ينقلها الى موقع الشبامي كقصائد لشعراء معاصرين . |
|||||||
03-15-2003, 05:13 PM | #4 | |||||||
حال جديد
|
صح لسانك ............. أقولها لجميع الشعراء
الله يحفظكم تقبلوا تحياتي |
|||||||
12-24-2007, 09:01 AM | #5 | |||||||
حال متالّق
|
بالفعل نفتقدكم ، يا معشر الشعار ، الشعف ، جمال العطاس ، عمر خريص، عاشق الدان ، شبامي اصلي ،العطاس احمد، بكاري ، هل من عودة للسقيفة .
|
|||||||
12-27-2007, 10:43 AM | #6 | |||||||
شاعر السقيفه
|
الم يحن الوقت لعودة الماضي ونتمتع بالنقاء |
|||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
موسيقى مسلسل " ما هو ذنب فاطمة جول " للنجمة التركيه سمر بطلة مسلسل العشق الممنوع | شادي مان | سقيفة الجوال | 0 | 09-26-2011 01:37 PM |
من بلي في العشق بايجيه الغرام | عزيز النفس | سقيفة عذب القوافي | 3 | 05-19-2011 08:59 AM |
انشودة تناهي العشق فيكم واشتياقي فعدني باللقاء أيا حبيبي بمشاركة طفل ذو صوت مبهر | قلب مات | سقيفة إسلاميات | 0 | 04-21-2011 07:50 PM |
(كل من دخل في العشق والبحر بحار) | بايعشوت بالغربة | سقيفة عذب القوافي | 2 | 02-27-2011 10:17 PM |
أسرار الويندوز من الويندوز | jemy | سقيفة البرامج وصيانة الحاسب | 0 | 06-08-2002 10:53 AM |
|