|
10-12-2002, 11:48 AM | #1 | ||||||
بــــوجــــمــــعـــــان
|
حكايه سبع الليل (الجزء الاول)
يا مشتم الدجر في الاصحان يكفي من الكذب والخرطان
لا حد يصدق ولد عاقور يزعل علينا وهو الغلطان الوقت كله وهو حنقان وفي مشيته دايماً مغرور بيت يقلب بين الضان بايشتري من ولد حقان ضانه كبيره لها ظافور سارق يحب مقعد السرقان يوكل ويشرب وهو طمعان ماهو بسبره كما المصقور يمشي وهو لابس الخلقان وملقي عمامه كما السلطان يسحب رجليه كما الصرصور مااليوم بهذف ولابسكت مابغيت منقاء ولابسكت يهوين يوم القلب مقهور الله يحفظ من السلته اللحم ماهو كماالفته وتفقدوا يااهل بن عاقور والقات باتتبعه غرشه هذه مصيبه وذي بلشه ماحد على ذا وذا مجبور ذالا وساوس من الشيطان ماحلها الله في القران لا في البقره ولا في الطور وكلين يكذب على الثاني خمسه ومن بينهم عاني سلم على صاحب الطابور **************** الجزء الثاني يشكي وكيسه ملان اميات والقات عنده بكميات يوكل من الغاب والممطور الله يستر من الزلات من كثرها مالها جلات والمشكله في الكذب والزور ياالله بزوله بلاضوله للناس لي طردوا الدوله وتمسكوا بااهل بن عاقور سرحوا يحطبون في الوديان طمعوا بغوا كل شي مليان والكيل هو ذاك هو محزور وألي حصل شي بلا مقياس الذعر والخوف بين الناس والضار مايرحم المضرور;baw ولد المعلم يسن الفاس يضرب بلاحس ولااحساس يضرب بفاسه وباالصاطور وين القبيلي وبن كندان لي صلبوا الساس والعمدان باعوا منصر على منصور وين الفوايد وراس المال حتى الجمل مالحق جمال محروم من شوقت الناظور ما اليوم ماشي على العاده والعاده قبايل وساده والعاد حد ينكر المنكور والشاعهد الله على لي كان ومالم يكن والذي بايكون الله يعلم بذات الصدور **************** الاخوان المحترمين هذه قصيده نثريه وهي مكونه من اجزاء وهذه جزئين والباقي يلحق انشاء الله تعالى |
||||||
10-13-2002, 01:22 AM | #2 | ||||||
المشرف العام
|
على احر من الجمر في انتظار باقي الحكايات ياسبع الليل
|
||||||
10-13-2002, 09:51 PM | #3 | ||||||
بــــوجــــمــــعـــــان
|
الجزء الثالث
الجزء الثالث من .....حكايت سبع الليل
قالوا لي القفل فوق الباب والشول معلق على الكلاب والتمر لي عندنا منثور* قلت الجماعه بغو عشوه...هل شي معزه وشي رثوه كلين بايوخذ المقدر* وألافسحنا في الجيره ...ولعاد نباء عندكم خيره وبكيفكم قطعوا المسبور* ايام كنت بشتري بمست ...البقل خمسه والليم ست من عند حمادي وعند قعرور* ودكاكين باذيب وال مسلم ...كل من قصدها ربح وأغنم منها وفيها الرزق موفور* رح وانت قادر ومستقدر... الخير موجود ومتوفر وكل من تقضى خرج مسرور* متى ماحصل قالوا لك ادفع ...ماهو في الحال رح ورجع سدد لاقد الحال ميسور* لاتدخل الضيق والعسره...أنت شبامي ولك شهره عند العرب والعجم مشهور* خذ لي بغيته ولاتهمر ...كمين ديره بهم تعمر ونسموا حالت المزرور* عطفوا على اليتم والمسكين... يمشون على ماأمر به الدين مالهم جزاء قل لهم مشكمور **************************** الجزء الرابع من حكايت سبع الليل العيد قربت وبن زلفه ...والباب مفتوح والخلفه الجمر مثنات كل بابور حط القرنفل مع القرفه... باتعرف الشغل والحرفه وأنظر بعينك قداء عاشور* قالوا وصلنا القحط الي الدار... استر علينا ياستار واستر على دار بن عيمور* من جورهم ديفت ستره... واحتال تعتون من البكره والسهم تحت القبل مكسور* الحمث على الساس ماينفع...والدار يسحب ويتصدع والسقف ماعزه اليعبور* الثقل ماكن ومتمكن...من لا معه شي ظهر يركن صابه وجع في الركب وفتور* ;baw قدها فضيله على حالي...ماحد رحمنا ولا رثالي ينكد على مساعد المامور* هل شي بصر قال سبع الليل...مطره ولا عقبها شي سيل ذالا نكد بعدها وحرور* هل عاد شي للظلم ناهي...او في المحتضر شرب شاهي ماحد بري قط ولامعذور* وان شي خبر بايجي بكره...الدار حاطت به القدره شف ذا زمن ينقلب ويدور* ياالله عسى ربنا يستر...ويخلي الحال متيسر يارب تيسر على المعسور ******************* الباقي الجزء الخامس والاخير وليس اخير انشاء الله |
||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نبذة مختصرة عن أنساب السادة العلويين | من السادة | مكتبة السقيفه | 16 | 12-30-2011 09:16 PM |
صور من وادي عمد ( الجزء الاول ) | عاشق الوادي | الكاميرا الحضرميه | 10 | 10-19-2011 12:53 AM |
الجزء الاول من انطلاقة الحملة : تم حرق 400 سيجارة وشاهد ماذا حصل { فديو } | حملة كفى بلا تدخين | الســقيفه العـامه | 0 | 04-24-2011 11:57 PM |
جواب من حسن باقديم عا سبع الليل | حسن محمد سالم باقديم | سقيفة عذب القوافي | 5 | 11-06-2010 07:13 AM |
|