نصيحه خل علب الداب لا تقربه هو ودابه ......

**صوت الجنوب** · 05-24-2012, 03:21 PM

نصيحه خل علب الداب لا تقربه هو ودابه = ولا تصيح يلومونك وهي ما غير قبصة داب
وجنب عنه لا شفته دخل في يوم سردابه = أكيد الداب با يقبصك لا قد جيت للسرداب
تطير الصول والخفرد وكل طائر مع سرابه = ولا بتطير لا تخلف نظام الطير ولأسراب
وذا الميدان يلعب فيه من يعرف بألعابه = وذي هو ميعرف يلعب يضيع الجهد بالألعاب
وهذا الكون له قانون كل شي فيه بحسابه = حسب مرات قد قالوا ولا تقطع بدون حساب
ولا تدينت بيجونك صحاب الدين طلابه = نصيحه شلها مني بعد عن دين له طلاب
أنا معروف حب الجود والأجواد لي لابه = ومن هو لابته مثلي صحاب الفكر والألباب
ثيابي دوب فصلها وحظ من فصل ثيابه = معد شي لوم با يقفاه كل من فصل الأثواب
سوى لاحد غبي زخى بدمن السوق واترابه = على نفسه يزخي كل غبي بالدمن هووتراب
وذي مابعد درا به حد خل كلين يدرا به = ومن طلعك في عقبه طلع به عقبة ديراب
ومن ما صان عانفسه من الأخطاروالصابه = يجي له يوم يتحسف وفي ذا اليوم باينصاب
انته دقيت عابابي وانا ملزوم بإيجابه = وكل من دق باب الناس لازم با يجيه جواب
وكل من بي بني مسجد يحكم فيه محرابه = وهل قد شفت شي جامع بلا منبر ولا محراب

**الشبامي** · 05-24-2012, 03:42 PM

اقتباس : المشاركة الأصلية كتبت بواسطة صوت الجنوب [ مشاهدة المشاركة ]

وهذا الكون له قانون كل شي فيه بحسابه = حسب مرات قد قالوا ولا تقطع بدون حساب
ولا تدينت بيجونك صحاب الدين طلابه = نصيحه شلها مني بعد عن دين له طلاب

نعم حسب مرّات ولاتقطع بدون حساب !!
وإبتعد عن الدين فلادين بدون طلاّب !!
صدقت اخي صوت الجنوب !!

**صوت الجنوب** · 05-25-2012, 11:30 PM

سأل احدهم واحدا قائلا : والله كأن السوق رديء ؟؟ ، قال الثاني :
أسأل نفسك ليش السوق رديء !!!!!..

الماسه* · 05-25-2012, 11:49 PM

اقتباس : المشاركة الأصلية كتبت بواسطة صوت الجنوب [ مشاهدة المشاركة ]

نصيحه خل علب الداب لا تقربه هو ودابه = ولا تصيح يلومونك وهي ما غير قبصة داب
وجنب عنه لا شفته دخل في يوم سردابه = أكيد الداب با يقبصك لا قد جيت للسرداب
تطير الصول والخفرد وكل طائر مع سرابه = ولا بتطير لا تخلف نظام الطير ولأسراب
وذا الميدان يلعب فيه من يعرف بألعابه = وذي هو ميعرف يلعب يضيع الجهد بالألعاب
وهذا الكون له قانون كل شي فيه بحسابه = حسب مرات قد قالوا ولا تقطع بدون حساب
ولا تدينت بيجونك صحاب الدين طلابه = نصيحه شلها مني بعد عن دين له طلاب
أنا معروف حب الجود والأجواد لي لابه = ومن هو لابته مثلي صحاب الفكر والألباب
ثيابي دوب فصلها وحظ من فصل ثيابه = معد شي لوم با يقفاه كل من فصل الأثواب
سوى لاحد غبي زخى بدمن السوق واترابه = على نفسه يزخي كل غبي بالدمن هووتراب
وذي مابعد درا به حد خل كلين يدرا به = ومن طلعك في عقبه طلع به عقبة ديراب
ومن ما صان عانفسه من الأخطاروالصابه = يجي له يوم يتحسف وفي ذا اليوم باينصاب
انته دقيت عابابي وانا ملزوم بإيجابه = وكل من دق باب الناس لازم با يجيه جواب
وكل من بي بني مسجد يحكم فيه محرابه = وهل قد شفت شي جامع بلا منبر ولا محراب

قصيدة رائعة جدا مليئة بالحكم والمعاني الجادة

صح لسانك شاعرنا القدير صوت الجنوب حقا ابدعت!!

تقبل فائق تقديري واحترامي.