ضاع عمري ولون الراس سكر وشاهي

[رشاش]

هذا القصيدة للشاعر الكبير عبدالله باصرة
يرسم فيها معانات المغترب
ارجو ان يكون النقل موفَق

ضاع عمري ولون الراس سكر وشاهي
والتعب والنكـد واقـع لزومـا نعيشه

بال مشغول وامشي دوب ناسي وساهـي
والالم والوجـع دق العظـام الكشيشـه

والعمـل دوب مانـا يالمحبيـن لاهـي
غصب عني تكبد فـي البـلاد الغشيشـه

مامشي عامزاجي تحـت آمـر وناهـي
وقت جيـزان نتحـول واحيـان بيشـه

وان تعذرت قال العـذر بايـخ وواهـي
واللوائح شديده فـي حـروف الكليشـه

وين ارضي وارضي غايتي والمنى هي
ريتني في جناح الطيـر باكـون ريشـه

جوها بلسم اجروحي وطب الدواء هـي
لو بلاقـوت عاماهـا بغيـت المعيشـه

دومها كالعنب طعمه وخبـز المراهـي
زي قراص العسل ذي في المعالم هشيشه

بعد شاهي البخاري عفت شاهي المقاهي
طعمـه الا دخاخيـن المعسـل وشيشـه

لو كسبـت الملاييـن الكثيـره وماهـي
غير ارقام في الشيكات وارقـام فيشـه

ماتساوي المرض والسكري والدواهـي
ذي في الجسم والكيه لقت لـي نشيشـه