الصبر يالمسكين

[سبع الليل]

الصبر يالمسكين

يستر الله على المسكين ربك يعينه=ضاق به الحال والدنيا قست عالمساكين
طالب الرزق يسعى سيّب أهله وطينه=راجي الستر والكسوه وقوت الزقارين
أحترم من لذيذ العيش وأجمل سنينه=ما رحمه الزمن وأهل الزمن يالمهايين
كم وياكم تبهذل والعرب غابطينه=غابطينه على ايش ما معه شي ملايين
قابض الورع والحشمه وقابض بدينه=يذكر الله ويسبح ثلاثه وثلاثين
بعد كل فرض يدعي عالذي ظالمينه=والذي هم قفاء ظهره طعن بالسكاكين
يوعدونه بشي وأشياء وهم كائدينه=ناويينه بنيه يالخباث الملاعين
خافوا الله يالصحاب القلوب الضغينه=واتقوا الله وأمشوا عالنظم والقوانين
الطمع لا غزى مخلوق نفسه لعينه=يفقد العقل والاحساس مثل المجانين
رب تشرف علينا بالرضى والسكينه=ياعظيم الرجاء تغفر لنا يالمساكين