11-16-2003, 12:16 PM | #1 | ||||||||
ابوراضي
|
من عيون الشعر الحضرمي قصيده للشاعر ابوراضي
من عيون الشعر الحضرمي قصيده للشاعر/سالم بن محمد باتيس ابوراضي
وتعتبر من اروع القصائد الحضرميه
قال المعنى في الداجي فقد رشده=قاسى شدايد وغيظه بالحمق مكظوم لاعتم الليل بوراضي يجر قهده=ساعه تقلب على جنبي وساعه قوم يالله عسا اللطف لي من واسع المده=ضني ومشكاي لك ياحي ياقيوم ذبتني اشواق من ذي قد فرق خده=وفي جبينه كتاب الفارسي مرسوم اهيف ترف له شرف مايختلف وعده=والغره الباهي مثل القمر مقسوم وتقول كفلت شبك لاقد نسع جعده=يغذاه بلمسك والعطر الشذي المشموم واعيان حور الحدق تقتل بلا هده=كل من نظر لمحت اعيانه ضوى مغروم والخشم منصوب كأنه سيف في غمده=والعذب بين الثنايا يشفي المسقوم وكعوب حفّل كما الرمان في وهده=والصدر ميدان للظمّر تجي زمزوم والبطن طاقه حرير اخضر من الكده=اصلي من العال جاء من مصر وارض الروم والخصر كأنه لبو يدرج على الجده=وتقول ثعبان ذي هو بل حمه مسموم والعجز مركب منول لاقدا جده=خاض القلازم وبحر الهند والفيوم في خنه الخمر يسكر من بلغ عنده=افيون مفنون فيه الطب للمحموم سيقان فيها الهلب شده قفاء شده=واقدام لاديعوا وداي ضوى مرحوم ياهركلي يارضي ياخيل في قنده=يافايق الغيد ياخرعوب يامهضوم سالك بخير الوراء عبدك يصل قصده=عالباب واقف ولا هو في الهوى مليوم القصد قصده ولا بايختلف وعده=مازال عاد النسم يجري في الحلقوم انه يباء مال بالعطيه لايده=بعطيه جاوه ومسقط والحبش والروم وارض الاروبه وباريس الذي سده=واراض مدراس ذي فيها خزين القوم والصين والشين والبصره مع جده=والهند والسند هو والشحر ذي محكوم والفين مهره تربت بلد صعده =والفين بكره عندي في العدد ملزوم والفين ميزر جرامل ذي لها رده=والفين ميزر جرامل عالمقص محكوك هذا في المهر والتقدوم بامده=الاف واكرور من جنه الذهب مختوم وقهوة الخال يوخذ عطفة الجعده=وارض الكثيري ويوخذ صاط باكرشوم هذه ملاكه وبلقي فوقها بنده=والناس في خدمته راضي وحد محتوم وانه يباء السيد بوراضي يقع عبده=باسير في الامر من تحت الطلب محكوم والختم صلوا على من لانبي بعده=صلاه تغشى ضريح الهاشمي المعصوم والال والصحب والنورين من بعده=وعمر وبوبكر عندي في العدد ملزوم والرابع الشهم لي سيفه روى حده=واهل المدينه ومن هاجر معه في القوم تعريف الشاعر ابوراضي هو سالم بن محمد باتيس من وادي عمد شرقي باتيس توفى في سنه 1357هـ شاعر وعاقل ومن اعيان قبيلته عاش وترعرع في قريته ولم يغادرها ابدا الا انه ذكر اسماء بلدان العالم وذكر الافيون المسكر وكان لايعرف انذاك له عدة قصائد شعبيه تندد بالاستعمار البريطاني وان شالله سوف اكتب في الايام القادمه من قصائده |
||||||||
التعديل الأخير تم بواسطة طالب النعماني ; 06-14-2007 الساعة 09:35 PM |
|||||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الشعر مايغني عن الشرب والقوت=لكن كلام الشعر له طعم ثاني | بن قطمان | سقيفة عذب القوافي | 20 | 10-14-2011 08:24 AM |
اعلان الفائزين بمسابقة شاعر المليون في الشعر الحضرمي للفصل الثاني ( ابريل- مايو- يونيو ) لعام 2011م | باشراحيل | سقيفة المسابقات الشعريه | 23 | 10-03-2011 12:03 PM |
حليلة الشعر بين الخيال والواقع | ابوشيخ الشبامي | سقيفة عذب القوافي | 1 | 08-06-2011 01:13 PM |
اعلان الفائزين بمسابقة شاعر المليون في الشعر الحضرمي للفصل الأول لعام 2011م | باشراحيل | سقيفة المسابقات الشعريه | 70 | 05-11-2011 07:25 PM |
الشعر المعبّر خلال عهد تولّى | سالم علي الجرو | سقيفة عذب القوافي | 18 | 01-09-2011 03:27 PM |
|