قال بن قطمان يابدر غايب$ليل حالك بعد طول الغياب

[بن قطمان]

قال بن قطمان يابدر غايب=ليل حالك بعد طول الغياب
عود لاكبد السماءفرض واجب=اقبل الدعوه وخلك مجاب
نوّر الظلمات في ليل ساحب=لاتعذر مانبا الانسحاب
واعلم ان الوقت صالح وخارب=والبشر هم يصنعون الخراب
صانع الغلطات ماهو بصايب=فرق مابين الخطا والصواب
مايفيد اليوم منهو معاتب=مايصلح شعب كثر العتاب
سير في كل البلد ذاانت ذاهب=واتق الله لو نويت الذهاب
واعلم ان الناس تبغى محاسب=قبل ذاك اليوم يوم الحساب
لوجبل شمسان الماس ذايب=في ثلاث ايام بيكون ذاب
ناس في غابة تذب الذوائب=كل ابوهم قال شاعر ذئاب
والمناصب روح لاهل المناصب=بعضهم ماهو بسن النصاب
شرق واجنوبي شمالي مغارب=باقية حتى يشيب الغراب
اليمن فيها طريق العجايب=موحشة فيها العجاب العجاب
ذاك متمسكن وهاذاك ناهب=والهوى بحري وهو جاي هاب
والامانه شلها شخص عايب=بعد ماشل الامانات عاب
كيف بتحارب وشعبك محارب=بالبنادق والعصي والحراب
ياكبير القوم عندي مطالب=لي طلب لو بايفيد الطلاب
حط الانسب بالمكان المناسب=والقرايب خلهم والنساب
القرايب مايبون المكاتب=والنسايب مابيقروا كتاب
والمصايب شف وراها مصايب=كم متوفي وكمن مصاب
والبطاله خلت الراس شايب=باليمن والله ياكم شاب
حكمة المولى ركبنا المصاعب=شعب يتواجه بكل الصعاب
وكاحلات الطرف تحت الحواجب=انطون تحت التعب والحجاب
والحقوق الضايعه والمكاسب=مضيعات الحق بالاكتساب
وش ترجاء من حنين الركايب=همل الراعي جميع الركاب