من الالف الى الياء ((الفية)) لبن قطمان؟؟

[بن قطمان]

اخواني اخواتي
السلام عليكم ورحمة الله وبركاته

اليوم اقدم لكم هذة القصيدة الالفية
عسى ان تنال على رضاكم

الف ابداء برب العرش عالم بحالي=خالقي رازقي عالم بما في الخواطر
باءبدربه مشينا في سفوح الجبالي=صادقين النوايا مخلصين السراير
تاء توكلت والنية معي راس مالي=والرجاء فيك يارحمن باطن وظاهر
ثاء ثرا الوقت مايرحم بعيد المنالي=شهر يوفي معك واسنين واعوام قاصر
جيم جانا زمن فيه اصبح القرش غالي=والتفاخر بكثر المال اصبح مناظر
حاء حياة التكبر اخرتها خوالي=مثل نار الحطب في الجول لاصب ماطر
خاء خطا في خطا المفخرة والتعالي=كل واحد في الدنيا موقت وعابر
دال دوله ورى دوله لدار الزوالي=درب فيه المنى ودرب مضني وعاثر
ذال ذكرى لها قلبي ترى مايبالي=وان ذكرها قنع لوكان بالسوق خاسر
راء روايات نرويها وفيها تسالي=والجمل ترك الرايه وشغل المعاصر
زاي زينة ومزيونة بنات الجمالي=مهرجانات فيها الابل جملة قواطر
سين سهران وحدي في عتيم الليالي=واذكر الناس ذي عالبال غايب وحاضر
شين شاهد علي ربي ولي قلب سالي=كل من قال بن قطمان باقول امر
صاد صابر ولي طولات سعف الطوالي=بالمهل مايخيب الضن في كل صابر
ضاد ضاقت على اصحاب الشرف والمعالي=من كسبها بحيلة قالو افلان شاطر
طاء طريق الرقي مفتوح فيه المجالي=باب فيه الامل والدرب سالك وعاطر
ظاء ظهر منشي الليله وبرقه يلالي=والسمر طاب يعجب كل بداع شاعر
عين عسعس ظلام الليل زاد انشغالي=والسما معتمه والنجم لازال سامر
غين غازي غزا غزوة وصاد الغزالي=اسمه البربري واليوم سموه ظافر
فاء فحول الابل ماطبها الا الحبالي=وان تعنتر يباله كي تحت الخواصر
قاف قولي كتبته فيه كمن مثالي=ناصر الحق بالقوة ولي رب ناصر
كاف كاتم ومتحمل حمول الثقالي=ذي على الظهر لايمكن تشله بواخر
لام لولا مخافت ربنا ما نبالي=عزة النفس ماتوطى لكل الصغاير
ميم من حسن حضي دوب مرتاح بالي=كلما اتقفلت سويت فيها معابر
نون ناوي وربي بايحقق منالي=زور مكه واسعى بين كل المشاعر
هاء هلا في هلا اول وثاني وتالي=من قراء النص له مني دخون المباخر
واو وردة على شانه مع شهد حالي=والسفرجل وريح المسك والعود فاخر
ياء يمين انني اكتب بمنطق خيالي=لامراجع معي ولاقلبت الدفاتر
واذكر المصطفى مرسول رب الجلالي=والف صلو معي على الحبيب المهاجر

مع تحيات اخوكم
بن قطمان