تزاعلنا

[بن حاجب السعدي]

تزاعلنا سبب قــــل التفاهم بيننـــا وعنـــاد = وهو ساكن وسط قلبي وفي الشدة يواسينـــي
تركته ماهو لحاله معآه النوم هو والــــزاد = ولا زمني سهر بعده ونــــار الهجــر تكوينـــي
ترقبته يحينــي منكسر صدفــــه بلا ميعـــاد = ولكن ياخســـاره ضاع أو ضيـــــع عناوينـــــي
تحريته مع رأس ألسنه الهجري أو الميلاد = يبادلني الهدايا يمسح الأحــــزان من عينـــــي
ونطوي صفحة الماضي تصير ايامنااعيــاد = ولا ضاقت بـــي الدنيـــا حبيبـــي بايسليـــــنــي
حبيبي لا تعذبني ترى كـــثر الجفـــأ ما فــاد = أنا أغليك واعرف أن قلبيك حيــــل يغلينـــــــي
وحبل الود لا ترخيه خلك مثل خلك شــــاد =وحذرك ينقطع لأنه موصــــل في شــرايينـــــي
مضت أيام فرقانا علينـا قاسيـــه وشـــــداد = سقيته مر من كاســي وهو بالمثــل يسقينــي
عسى ربي يلم الشمل ينصرنا على الحساد =على ضوء القمر نسهر مـع سيد المزايينـــي
ويحكي لي بما عنده ويسمعني طرب ونشـاد = وانا بالمثل بحكي لــه ويشرب من فناجينــي
عليا عهد ما سيبـــه وانا بالعهد هــذا جـــاد = أذوق الموت في بعده وقربه صدق يحيينـــــي