مواقف غير مشرفه

[بونواس]

بعض المواقف قل لبو جمعان لبنادم شرف= ترفعه لمنازل عضيمه دوب عاطول الزمان
لكن موقف مثل موقف صاحبي ياللاسف=مراوغه ومخادعه ماتحس فيها بالامن
عجبت وتحيرت في مخلوق لااوعد خلف= دايم وعوده كاذبه ماشي معه غير اللسان
لاسمعت هرجه باتقول الهرج ذا مافيه لف=باتقول ذا عربي قبيلي من قبيلة بو فلان
لكن فعاله غير وصفه الاولي ذي قد وصف=الضاهر انه باع واصبح جيبه الخالي ملان
او يمكن انه خاف عالدنيه وجم مثلهة خيف= لانه الايمان وسط اقلوبهم ماله مكن
تامروا وتنازلوا عن جم قضاياء في الملف =واشياء كثيره لو تدقق باتجنن بك جنان
من تمرهم قلبي تقنع تمرهم دايم حشف=مايوم شفنا خير منهم نذكره من حيث كان
خلاص كل شي بان والمستور والسر انكشف= وعرفت من ذيهو قبض عهده ومن في العهد خان
والختم صلوا عالنبي واهلة وصحبه والسلف=اهل التقى ذي ثبتوا السلم عاخمسه ركان