بوحمد ريت باتفطن وتسمع مقالي

[علي بن طالب الحامد]

بدع سموا بذكر الله مولى الجلالي=ثم صلوا على احمد عد يومه وليله
واذكر الآل والاصحاب واذكر بلالي=حين شنوا على الكفار غاره ثقيله
رب وارزق عبيدك رزق بابه حلالي=من دخل بلدة التجار يلقى عميله
صاحبي قال ابو طالب شروعه طوالي=ما تحيل ولا عمرة تعنى لحيله
يوم زاد المرض صحتوا بكل صوت عالي=يا طبيب العرب دركاه يا اهل الفضيله
قام جاب الدواء واسقاه صافي زلالي=ما تأخر وحط البن في وسط هيله
واختلس ثوب سّله يوم عدا قبالي=وانتعش وارتعش من كل عله عليله
يوم سبر يحرك ايد يا اهل البدالي=عقلكم قد نقص ما باقي الا قليله
امس جبتوا ثياب السّل ذيك الدوالي=غصب تبغوه يتلبس بخرقه دويله
ياخباث العمل تبغوه يرجع شمالي=والجنوبي يرقع ثوب سّله يشيله
حلم ترجع لكم ذيك الليالي الخوالي=ما شفى كل متضلم عليكم غليله
بايقع مرجحن بأمات القصاب الطوالي=بازقل سبحتي باشل قصبه طويله
كل منبوذ يتفلسف بقوله يغالي=الاراضي نهبها عمكم بو دويله
عشر عشرين ارضيه لا اهل المعالي=الف يهناءلهاذيك الرجال الاصيله
انتفضتوا علينا قر كل طعم حالي=كم اراضي نهبتوها بارخص وسيله؟
ضمتوا البدو والتاجر وكل رأسمالي=والمدر والحجر وكل شجره ظليله
بوحمد ريت باتفطن وتسمع مقالي=انتسب لليمن لا تنتسب للقبيله
كل مفسد قطع راسه بزين النصالي=ومن يصور لكم ان كل بقعا جميله
الفساد انتشر في بحر في بر خالي=سبعة اشهر لاهل السيل وسط الغليله
والوضايف دفع لابغيت توضيف عالي=واحتكم للقضاء بأموال رشوه مهيله
يازعيم اليمن مكسبي يارأس مالي=ما ندور لغيره ولا نبدل بديله
انشر العدل ساس الملك والعدل غالي=واستمع للمواطن يوم سبر عويله

آمل ان تنال رضاكم
والاختلاف بالرأي لايفسد للود قضيه
الوحدوي ابو طالب