ياقلب >>يبقى الفضل دائم للجنوب ؟!

[الوزيري]

ياقلب يبقى الفضل دائم للجنوب=تحميك كم مره وتتلقى الرماح
ياليت ماتبخل تضخ في كل صوب=هذا سياجك كيف لو في يوم طاح
كل ضلع ينزف والسبب كثر الحروب=والجرح عرته العواصف والرياح
مادري علاجه بالابر او بالحبوب=او بتر للاعضاء اذا شي عضو صاح
تعبت جنوبي لجل تحيى يالعوب=وتقول انا من دونكم قتلي مباح
وانته تقصر في مهامك ماتتوب=تسهر مع العشاق واجنوبي تباح
وان قد نطق دكتور غطى عالعيوب=مايعرف ان العلم مفتاح النجاح
لكن اذا جهله يقوده للغروب =مافي اسف لوغاب يعقبه الصباح
كان الامل انه يداوي كل صوب=يكوي مكان الداء لكي تشفى الجراح
لان الجسد كله يعاني والقلوب=ان لم تناصح كيف نتأمل صلاح