الى بن مهنا -- مع التحية والتقدير -- ارجو ان اكون اعطيتك قليل مما تستحق ////////////

[عبدالله الجعيدي]

يا مرحبا بأبيات من شاعر وفي = بالرأس فالمرمى يجيب أقواله
بالصبر والإصرار والعزم القوي =طال الذي غيره عجز ماطاله
ما يلبس الصاروم يلبس من بطي =شيذر حطيطة نقشته واذباله
فالعز والناموس نجمه معتلي = والجود شل شاله وشل دسماله
كل يوم شوفه فالعضيدة لولي= الله يكثّر من رجال أمثاله
لاف الذي هو فالسماء مايلتفي = واللول مكيال المريري كاله
جاب الجواهر والدرر لي ماتجي = الا لمن طوّل عليها باله
والقافية لا قد طرقها تنتشي = ما خيبت صعب البيوت آماله
فالشعر خالد نال رتبة باحفي =والمجد خالد بن مهنا ناله
به تفتخر مره ويفخر هاجسي = لله در جده وأبوه وخاله
يابخت من له كان بو سالم خوي = في ساحة الميدان ينطح فاله
يحفظك رب البيت يالشهم الأبي = يا شمس قافي شعرنا وإظلاله
ذا باب والثاني في الجو النقي = من حيث لا خونة ولامحتاله
يا ولد عمي بك لزوم (ن) نلتقي =ونخفف الآم الجفاء وأهواله
لا قد صفي جوي وجوك لي صفي= فالقبر جدي با يريح باله
والناس فالدنيا بنا با تحتفي = والخير بايلفي لنا مرساله
هذا وغازي صاحب الحضن الدفي =القلب له والنفس له مياله
فالحرب ناره راشنه ماتنطفي = قائد رماة الجيش والخياله
انته وهو عينين فالوجه الرضي = وانتم يمينه خو لكم وشماله
والختم با صلي على طه النبي= المصطفى خير البرية واله