يا بن مبارك بن سعيد...........

[عارف عبدالله النهدي]

ابديت بأسم الله ربي فوقنا الفرد الجليل = الواحد المعبود في وقت الشدايد نسأله
نسأله غفرانه نهار الموت ساعات الرحيل = عسى يجنبنا جنهم والنيار المشعله
ويقول أخوسلطان لي هاجس بمكياله يكيل = لا عد في الابيات تحسبها درر متسلسله
مادور الشرهه وقز المصلحه في كل جيل = وكف (ن) تدنى يا جعله اليوم يبتر مفصله
يابن مبارك بن سعيد اليوم لي مثلك قليل = يافاتح (ن) بيتك وصدرك لا البيوت مقفله
يامن لك الطولات في المعروف والشرع الطويل = يامحتفظ ما الزام لوّل في شروع القبوله
يامكرم الضيفان لاقد جوك وأبناء السبيل = يوم إن غيرك لالمحله ضيف يطفي منزله
ساسك قوي من سمح لا يامنبع النسل الاصيل = المملكه بك تفتخر لك بيت ماحد يجهله
كل من نكد ممشاه في جده وضيعه الدليل = لاجاك يتهنى شهوره والسنين المقبله
يامقصع العمدان في الشدّات يا السيف الصقيل = تزبن الجاني إذا قد جاك همه يزهله
جودك مطر ياشيخ عا العربان لا والله سيل = تحياء به الارض القفيره والورود المذبله
أكرم كريم بمدته من مدّتك يصبح بخيل = ماهي غريبه لا أنقراء أسمك في السطور الاوله
ياحاتم الطائي بوقتك مانلاقيلك مثيل = فخر(ن) لنا مثلك نعده من فحول المرجله
عبدالعزيز أبنك رقى بسمك على كوكب سهيل = بين الكواكب سطر اسمك مرحله عن مرحله
يمشي على نهجك وفي الخطوات ثابت مايميل = أخذ صفاتك كل ابوها كامله متكمله
أنا أشهد إنه ثلب في الوقفات للحمل الثقيل = لاقد برك للحمل شاله لا الحمول مدبّله
إي والله أنه لي يجيب الصبح لا دنياك ليل = فاهم ومتعلم وعنده حل لأصعب مسأله
وبعده يجي فوزي بوسط الناس كسّاب الجميل = على الكرم والجود للعربان دايم مدهله
وأبوعلي فواز في النخوه يسوي المستحيل = الصعب لا لقاك أنته دقّله ويسهله
إن كان نص الليل وألا كان في ظهر المقيل = أبشر بسعدك لا نخيته في الامور الموحله
وأختامها صلوا على المختار ما الماطر يسيل = على محمد لايده القران ربي نزّله