منزل مبارك(قصيده خاصه مهداه للاخ الغالي يونس العطاس الهاشمي)

[بن احمد]

هذه القصيده خاصه للاخ يونس العطاس والاخ يحيى الكثيري
وقد القيتها في حفل بهيج في منزل الحبيب يونس بن احمد العطاس في جده
بحضور الاخ يحيى الكثيري الذي جانا من الاردن ولفيف من الاخوه
والشاعر الفنان ابو فضل والفنان الاخ سعيد بركات وان شاء الله تنال اعجابكم

البدايه بذكر الله دايم بدي به=بطلبه يغفر الزله ويمحا الخطيه
والف صلوا على من كلنا نقتدي به=الحبيب النبي المختار خير البريه
قال بوشيخ ببدع في قوافي عجيبه=ريحها المسك وعطور الزهور الزكيه
عادتي حط حملي عاالجمال المنيبه=والجمل يرتكي للحمله البندريه
ون رميت الهدف ف اول رصاصه اصيبه=والنوايا نظيفه والحقايق جليه
جيب شعري معاني والقوافي صليبه=تكسر الصخر وتهد الحيود العصيه
قول متقون باشله معي باسري به=مقصدي لا سليل الدوحه الهاشميه
بو عمر يونس العطاس من زود طيبه=العرب حبته كلن يبى الا خويّه
جيت عادعوته مشتاق من بعد غيبه=مندفع له على مبدا وعاطيب نيه
لن له قدر في قلبي ونا ماصخي به=الصديق الوفي مولى الشروع الوفّيه
ياسلام الف له عد المزون الخصيبه=لي مطرها انحدر من فوق لرض الرويه
الف مبروك عا المنزل عسى تهتني به=وانته تستاهله لا ياجزيل العطيه
ياعسى حاسدك جعله يقع في مصيبه=ونت في خير يامولى الكفوف النديه
نعم يالهاشمي مافيك شكه وريبه=اشهد انك محافظ عابنود الوصيه
بعدها جا الذي كنت ادعي الله يجيبه=واستجاب الدعاء لي ف السما الطالعيه
بعد غيبة سنين اللي تعدت كئيبه=انشرح خاطري قد شفت طلعه بهيه
يوم جانا العميد اللي يقود الكتيبه= معتني من ربوع العاصمه لردنيه
ذاك يحيى دواء كل الجروح العطيبه=مثل حامل 100متقدم المربعيه
الكثيري صحيبي ازهمه وانتخي به=والشرف لا انتخينا في رجال اجوديه
نسل همدان لي مايعرفون الغليبه=مسقيين العدا علقم سهوم المنيه
مرحبا يالكثيري والخواطر رحيبه=جابتك ليلة الرحمن ليله هنيه
قولها واعتزي وزران رفعه وهيبه=ربعي اهل الشهامه والعزوم القويه
والختام اذكروا طه الرسول وحبيبه=عد مالبرق يتلمع بروس النشيه