مسابقة بن شريشر للشعر الشعبي الحضرمي لشهر أكتوبر 2009 م

[ابوفضل سالم]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

هذه المشاركه..تم نقلها..بواسطتي..كتبت بواسطه الاخت الشاعره..الماسه...من عذب القوافي..الى سقيفة المسابقات الشعريه.. وآآآآآآآآاسفااآآآآآآآآآه.....الأعطال فوتت عليه فرصه ولكن اذا باتعطوني استثناء..هذه هي القصيده .. واذا مافي استثناء..خلاص..مشكورين.. ماعليكم اي عتب.. 1) يادموع العين صبي من فراق اللي عياني سهمه المسموم وادمى لي فؤادي بالعِيان 2) ارحم المضنون ياسيدي وخليني مكاني رق بالقلب الذي اصبح خبر ماضي وكان 3) لامتى ياخل هجرك خاف ربك مامداني بالتلاقي في دقيقه صرت عندك كالمدان 4) جبت لك قلبي هديه فيه روضه من جناني لكن انته ياحبيبي صبت عقلي بالجنان 5) ماسليتك مانسيتك كيف بانساكم وباني وسط قلبي دور وقصور(ن) بكفي والبنان 6) وان بعدت اليوم بكره عدت لك في يوم ثاني انت محبوبي وخلي وانته اولهم وثان 7) خلني قربك ولا تهجر انا كل يوم اعاني من فراقك بانت الاثار ظاهر للعَيان 8) فارحم المضنون واعطف لاتشّمت بي زماني خاف ربك في ضنينك لي يحبك من زمان 9) في الليالي دوب ساهر واحلم انه قام جاني غابوا العذال والحاسد وانسان وجان 10) واشرب الكاسات من لطفه ويشرب من حناني في مراتع بالمحبه ارضها طيب وحنان 11) في الحنايا حب يسري ينطلق فيه العناني للحبيب اللي ملك قلبي وروحي والعنان 12) ساري البرق استمع لي اشتكي ظبيٍ(ن) يماني وامطرت منه مزونه دمع يبكي عاليمان 13) وانخسف من نوره القمره وبالرقه سباني وانجلى من ضوّه اهمومي على وجهي وبان 14) بانظم الكلمات في حسنه وفي فنه ولاني غير في يد المحب غصن(ن) رطيب(ن) دوب لان 15) لاجل في حبه انا باعيش مرتاح(ن) وهاني كل حاسد مايفرقنا ولا واشي مهان 16) وارجع الواقع واصلي ياعسى ربي حباني نظرةٍ من لحظ عينه لاحضر وقته وحان هامش:العِيان "بكسر العين"في البيت الأول تعني العيون..وفي البيت السابع العيان "بفتح العين"تعني النظر والمشاهده

وصلت قصيدتك أختي الماسة ورجاء من الإخوة المشرفين ومن له حق التعديل أن لا يقوموا بأي تعديل حتى لو كان مجرد تنسيق أو تصحيح أي أخطاء إملائية إن وجدت.
واللجنة ستبث فيها ونحن نقدر لك جهدك ولايمكن ان يذهب هباء ثقي اننا سنكون قدر المسئولية واشكر مشرف عذب القوافي الاخ خالد بن مهنا لهذه اللفته الصادقه والقيام بالواجب والله الموفق