ونتقاااااابل نهاااااار العيد @@@

[سعيد محمد علي عبود باوزير]

يقول الهاشمي لي من عريب الجد والأخوال=حروفي لك برسلها من الوافي الى الوافي
جزل الحرف يتخلّد مدى التّاريخ للأجيال=وعذبه عذب أعذب من عدود المنبع الصّافي
نساني لوعلى الجوّال ما يسأل عن الأحوال=وعالثّابت قدر مترين متغطّي من السّافي
أنا في العشق قاتلني ذبحني طرفه القتّال=رماني سهم في قلبي وسهم العين ياكافي
عسى باينفهم قصدي ولانمزح مزوح أعيال=وله بالعهد باوفّي مدام الرأس عاكتافي
انا اوزن بلد بالعقل والفارس اناالخيّال=وأمشي لومسيرة شهر صوبه والقدم حافي
وياقلبي عليك الصّبروالمكسب برأس المال=ويمكن عنده الأحساس مايظهره متخافي
يعاني مثل ماعانيت وأكثريكتمه في الحال=رقيق القلب ما يقسى ولا طبعه يجي جافي
منى عيني انا بصبر عسى تتحقق الآمال=ونتقابل نهار العيدنشرب كوب نسكافي
الا يالله بعشرالحج وفّقنا لخيرأعمال=عسى عفوك وغفرانك وسترك ثوبناالضّافي
اناالمسكين عبدك التجي لك والهموم اثقال=تزيح الهم عن صدري ولاغيرك لنا شافي