ورى ما تستميت قلوبنا معها وهي بغداد

[عرض مسمار]

عساهـا فاتحـة بـرد وسـلام وخاتمـة وقـاد =علـى دار السـلام الله يـروع مـن يروعهـا
حضارة سومر وبابـل قبـل تشريفـة الميـلاد =عروق الرسل والعلم وهـل الشعـر وروايعهـا
هوى سيف الله المسلول يوم ان السيـوف حـداد =مسـاوي سريـة كـان المثنـى فـي طلايعهـا
عروس زفها المنصـور والدنيـا لهـا سجـاد =ودلهـا الرشيـد الله عليـهـا يــوم دلعـهـا
بدت بالسندس اللي يهـوس الخـلان والحسـاد =وكثـر ماهزهـا التاريـخ مااهتـزت روابعهـا
بقت خضر مرابعها بقت تنجـب لنـا الامجـاد =بقـت بيـض صنايعهـا بقـت سـود وقايعهـا
ورى ماتستميـت قلوبنـا معهـا وهـي بغـداد =ياكبـر العـار لـو ماتستميـت قلوبنـا معهـا
عليهـا الله وامـان الله بـلاد الرافديـن بـلاد =هجد صوت القنابـل جنـب تهليلـة جوامعهـا
دهاها من وراء الحملات ليـل لونقـص يـزداد =اهلنـا فـي مدامعهـا واهلهـا فـي مطالعهـا
هل الحرية اللي اللي قصت اجنحة اكثـر الاولاد =مادام يدينهـا ماترفـع اثنيـن مـن اصابعهـا
تعودنا على حرق النسـل والحـرث والاصفـاد =وتعودنـا علـى نــار مطفيـهـا مولعـهـا
يبس بكفوف اهلنا غصن زيتون وكمـا المعتـاد =عناقيـد الهدايـا جاتنـا مـن كـف صانعهـا
عسى المقبل مثل صيحة ثمود ومثل صرصر عاد =عشان اهل البيوت الخاربـه تصفـي مواجعهـا
على وين المراكب سايره في حضـرة الـرواد =عساهـم للدوايـر ليـن تدرجـهـم منافعـهـا
مصير امصار واجيال وزمن وجموع بيد افـراد =لها التاريـخ بالمرصـاد وان خانـت ودايعهـا
محبتنـا عـداوه والقلـوب قريـبـات بـعـاد =بعـد مانصنـع الكذبـه نصدقـهـا ونتبعـهـا
خذتنا العنتريـات الله يبيـح مـن ابـن شـداد =وضعنا بالخطب ليت الخطـب تقـدر تضيعهـا
تواعدنا مع الوحـده وصرنـا نخلـف الميعـاد =مذاهب وانظمة واحـزاب مـن يقـدر يجمعهـا
يصهيـن دم نـاس طايريـن بعجـة الاوغـاد =تصاغرنا مثل ماستصغـر الكرسـي مراجعهـا
اخيرا كم بقي طاغي وكـم باغـي وكـم جـلاد =وكم لص وكم اصنام وكـم اوهـام نصارعهـا
وكم صوره تظن الروح والـدم اغنيـه وانشـاد =وهـي كـل هنـاك يدوسـهـا والا يقطعـهـا
لعـل الليلـه اللـي جابـت الكابـوس ماتنعـاد =وبسـم الله علـى بغـداد مـن شـي يروعهـا

الشاعر/عيضه بن علي جارالله الصيعري
منقووووله