على كف الورق نمشي .. من نزف القلم

[سالم السقاف]

أنا والهاجس وليلي على كف الورق نمشي = ولا ندري متى ننهي كلام ن بيننا مكتوب
واصيغ من الفكر لوحه تضاهي رسم دافنشي = حروف ن طعمها كالشهد صافي من جبوح النوب
عشان يقال لا مر الزمن وامسيت في نعشي = هذاك الحي بأبياته عسى الكافور له مشروب
ومادام العمر ماضي أنا ماهمني قرشي = مليت من الرضاء جيبي وصارت عزتي لي ثوب
وأطير وناظري لو طرت ما يخطي أبد عشي = بصدق الوعد يضرب بي وفي خلف الوعد عرقوب
وانتي يا منار الكون بمشي لك على رمشي = ولا باتوب عن دربك ولو لك قلت أنا باتوب
عزمت السير لك ساري ولك سيرت أنا عرشي = وشوقي ما رحم حالي وزيّد في الحنايا صوب
وصار الليل لي صاحب وطيات الورق فرشي = بشرع الحب من يعشق يعيش بعالم المحبوب
هنا كان القلم يرسم على باب الزمن نقشي = هنا كانت معي شمعة أمل تهدي المساء وتذوب
هنا صاحت طعون الظهر اللي طالها قشّي = وخوفي لو يكون الحلم اللي عشت له مسلوب
ترجّل يا هجوس ن خابره بالسر ما يفشي = مدام ان الفضاء واسع ودام ان الزمن مقلوب
وردّد في مدى جوفي .. على كف القدر نمشي = (على كف القدر نمشي ولا ندري عن المكتوب)

أتمنى أن ترتقي هذه النبطية الى مستوى ذائقتكم السامية

ودمتم بحفظ الرحمن ورعايته