11-26-2010, 01:38 AM
|
#1 |
|
شاعر السقيفه
|
مرحوم يامن نحزت الملح والمخموس ......, مرسله للشاعر الكبير خالد بن قاسم اليافعي
بسم الله الرحمن الرحيم
السلام عليكم ورحمة الله وبركاته
يامرحبا مرحبا بالمدفع القادم = صنعوه مخصوص متكفل بكسر الروس مدفع حديده من الفولاذ متلازم = حشوته ماهي صغيره عينة الجاموس صوبه صوبي وانا حاوره نتفاهم = نحل مشاكل عويصه من زمان البوس نوخذ ونعطي ونتقارب ونتراحم = وهو ماشي معه غير العصا والقوس الله يهديك خلك شاعرن ناعم = خاطب جماعتك بالحسنا وخذ دقموس بايدهنو لحيتك بالشحم لتعازم = مالا تعنترت قدهم ماسكين الموس بايحلقولك وباترجع لنا نادم = ياكم قبلك معاكس قد رجع معكوس اسمع كلامي وانا لمي وانا العالم = عالم وعالم ولا نا مادرست ادروس لاكن درسني اللي يقضي ألازم = مرحوم يامن نحزت الملح والمخموس لاهو بسارق ولاكاذب ولا ضالم = وان جا المعادي سحق راسه رجع مدعوس ساكن علوجه بلاد الجد بن غانم = ذي كسبو المرجله والعز والناموس ولا تربع بحد من لطمة الاطم = ويشرب الا كرع مايشرب الملموس من لا عرف موقعه يبرم به البارم = لاصار يبغا كلامه غصب بالدابوس لابد ماينهزم ويحطمه حاطم = ويعود لاشي فرّتبه رياح الكوس النحو والكومنه والكذب لا تلايم = الله يستر على اهل الصدق من لنجوس بالله يالجيد ولد الجيد بن قاسم = عودت لي ليث كاسر من براري لوس واحنا جماعه ورفقا عهدنا قايم = ولا شراسه ولا عافس ولا معفوس وانته تبرع اضن متخيل الجاهم = شحطوط فالجو مابايسقي الفخسوس في حزة الضيق خلو ولد بن هاشم = فيين راحو من الضالع ومن لبعوس كلن هرب يوم شاف البحر يتلاطم = ولعاد هيثم صمد لحضه ولا محروس وفيين سالم وعبد الرب معا قاسم = وفيين ذي في العند من دقة الناقوس ويين الطيايير ذي في جوها حايم = ووين الصواريخ ذي جت من بلاد الروس وفيين قواد لول سيلهم عارم = ذي يقطعو روس خلق الله بضرب الفوس وفيين شمسان عود لك جبل هادم = قد شطبو اسمه من التاريخ والقاموس وجيش سبعين وينه ماصحي نايم = ذي يكلس الناس ياخالد رجع مكلوس وبن حسينون ضلا في العرا جاثم = باعوه لوغاد غرتهم شنط وفلوس ضلا مجندل مقابل شرج باسالم = واهل المكلا توارو صابهم كابوس والبيض روّح وخلا قصره القايم = في خلف فيه العقارب والقذر والسوس روّح وهو يرتجف من قوم بالاحم = مرّو بجردان قدامك بدون احسوس عدا في السادسه كنه جمل هايم = ولعاد جاه الحمومي هو وباكردوس فرع بنفسه سلم من مسكه الهاجم = ولا هدا روعه الا يوم جا قابوس وشل ماشل في سنبوقه العايم = واترك عشيقته في البندر معا دهلوس هذا تواريخهم لانته بهم خارم =لحّن قوافيك بالقيتار والقنبوس مانا صراحه صراحه محتمل شايم = العود ياليافعي ماهو كما الكربوس لراي رايي اريد الشمل يتسالم = والديك ماباه يتكبر على الطاووس الحل بالسلم لا ضالم ولا ضالم = وعبود ماباه يتكبر على مسدوس ملبنت قد روّحت قدها مع حاتم = فرع بها عام لول ام عيون انعوس من يوم راحت وانا اتقول في مآتم = الشوق يعصف بقلبي والشفايا يبوس من ثغرها لبتسم يفطر لك الصايم = لاكنها عام لول غازلة جفسوس خلتني اقنع وانا عاشق لها داهم = لاكن ياللاسف يلعبها جاسوس كانت غشيمه غواها اللبس والخاتم = ماتعرف انهي سلايل فالعرب واجنوس من غشمها تحسب ان من شل حجر راجم = واتحسب ان العمودي مثل بامشموس ياليافعي اهد لا تدرم معا دارم = واعرف خريف البطيطه من خريف النوس قالولي الناس انك للسفر عازم = وشلك بجردان خلك في اليحر مغموس باتلحق العمب والتفاح متراكم = والظهر باتلحق المرقوق والمكبوس مالك وشعب اليمن قدله زمن وارم = من عام سبعين يشكي علة الفيروس هذي نصيحه وانا ميشومني شايم = اسمر على الكهربه وشلك وللفانوس هذا وهاجسي جا مايعصمه عاصم = من شعب دمرون جا مجنون بن طلموس شقروط مقموط ذي بايكضم الكاضم = جبار مغوار فـ اشداقه نيب وضروس مصقوع مدفوع فالينبوع قد ساهم = والشحب لاطال عالعامل لقاه ايكوس قادر يناور في الملعب شفه صارم = ياكم تحكم في الملعب وشل الكوس والعفو يا شاعر الشعار يالحازم = ذلا بغينا السمر يالشاعر المنموس ريت القا بيننا ياليافعي دايم = منشان نقضي على المجرم وعالمنحوس اما الحزيه فلا انته بها عالم = حيوان ماشي معه ريشه ولا دبوس لا ام توجد ولا زوجه خلق ياتم = ماهو كما قلت جبح النوب ذي محروس اما حزيتك ملكه نوب باجازم = وزوجها فالفضا يطلع بها ويدوس والختم صلو على المرشد وعالحاكم = محمد المصطفى في قبره المحروس يسلم صالح بن عكعوك بن غانم 26 \ 11 \ 2010 م |
|
التعديل الأخير تم بواسطة يسلم صالح بن عكعوك ; 11-26-2010 الساعة 01:53 AM |
|
|
| مواقع النشر (المفضلة) |
|
|
|
|
العرض الشجري