رد ومجاراه لقصيدة الشاعرعبد الله الجعيدي

[الشبامي]

اقتباس : المشاركة الأصلية كتبت بواسطة الواقعي [ مشاهدة المشاركة ]

قولو لبو سالم فتحنا الكبّوت=صدنا المكينه كل برغي مفلوت =ماهو من الرفرف طلع ذاك الصوت =يومه مخلّع دوب باب النجار با يطلعون الفورد عقبة شتنه=لي فاهمين الهنجمه والرطنه =ذا وقت كل واحد تهمه بطنه =كلن على قرصه جمر فالتنار يا صاحبي خلك هنا لا تبعد=وان بتّ سعيّد با يجينا مسعد = لما يقع لهل السقيفه مرعد =تبدا به النشره ومؤجز لخبار والمشكله فالديك يوم استقمر=يصرخ ولاشي فجر قرّب يظهر =ذلا قناديل العرب فالمسمر =لي يحكمون الضرب لجله عالطار من بعد ما شفنا النباء العاجل=لي ينصف الفلاح هويا العامل =قلنا اكيد البوش كلّه هامل =والسبّه الشاوي وراعي لبقار واليوم بعد الفحص هويا التشريح=باب السقيفه شفه ناقص تصفيح =والقيشمه ترقل وتبغا تصليح =لا حدّ يفرّط فالسدد ياهل الدار لا قرر الربان راعي الديره=عا حيد قاسم يطرح البنديره =والله ما نفزع من الدحديره =الفُلك با توصل برغم الأخطار لكن صبح معقول ذي ما يعقل=ردو كلامه صدق لي يتهقّل =كلن يبا حزمته وقت المقيل =عدّى الزمن لي ينجح اللا الشطار حلال كل شي واش تبا بالتحريم=الزير والتنكه لقوها الا صيم =يا رب لا تكشف لمسلم شي خيم =قد زان وقت الكفر قل للكفار والحاصل الموسم تخرّب وصطاع=والساني الفلوف سره قد شاع =لا خير فالشاري ولا فالبياع =خيره في الحرثاه ياهل الأبار

ستظل بنديرة سقيفتنا العامره ترفرف بإبداعاتكم سواء على حيد قاسم بإمكاناتها البريّه او على راس باغشوه أو راس فرتك ، أو راس شرمه ، أو راس ضبه بإمكاناتها البحريه !!
كما سيظل باب سقيفتنا العامره مصفّحا عصيّا في وجه كل معتدي ، وسيكون ايضا مفتوحا على مصراعيه لكل مبدع ومنشد للإبداع والمعرفه !!
شكري لك أخي الواقعي وهو ايضا لأخي المبدع والمتألّق عبدالله الجعيدي !!
وإعتذاري لتأخر ردّي لدواعي السفر وإنشغالي ايضا بعد العوده في ترتيب موضوعي القادم عن رحلتي لمصر العروبه !!