قصيده مرسله للاخوه خالد بن قاسم وحيدره بن قطمان

[طالب النعماني]

بوراضي ايقول من عيني طردت الرقود=ولعاد اباء النوم لوتغدي عيوني صهود
باراقب الشمس لما تنطرح عالحيود=جاني خبر شاق قهدبي وجاب القهود
من عند خالد صليب الراس لي ماينود=ذي هو يفردع في المجلس نهار الوعود
واليوم يشكي وظهره منقسم عالعمود=يشكي من اصواب مخفيه تهز العضود
يشكي ويبكي ومن صوته تنود الحيود=الله يعينه ويبلغه الطلب والقصود
مادريت مصطاب من حجني رهيفت حدود=وإلا من اكنوش ساقتها صلاب الردود
منه لباء العلم يالعاني سرح بالبرود=في ظهر صالون تايوتا سريع الوقود
من عاصمة نجد لي فيها حكم بن سعود=مقصدك بوظبي لي مامثلها في الوجود
مهذر دلاعيس كمن هيج ينتع يقود=ينتع قوافله مايهم الحلق والقيود
باتشوف خالد وبن قطمان مثل الاسود=ذي مايكصون لاشافوا الدفر والوفود
بايعزمونك على موفي وحاشي فرود=ذي هم على الجود ماواحد عليهم يزود
ماهو من اليوم من زام البوه والجدود=سلم عليهم عدد برق السحب والرعود
وابلغ كتابي وعطرهم بكادي وعود=واعكس طريقك ولا قالوا جلس لاتعود
قل عاد في الخط قدامي عساكر جنود=مارخصولي سوى ساعه ونص عالحدود
والختم صلوا على المختار نور الوجود=عساه يشفع لنا عالحوض يوم الوردود

[/QUOTE]