جواب بن قطمان وخالد بن قاسم على الشاعر ابوراضي

[بن قطمان]

الاخوان والاخوات الكرام
السلام عليكم ورحمة الله وبركاته
قبل عدة ايام قام الشاعر الكبير طالب النعماني ابوراضي
بتوجية قصيدة عبر هذا المنبر موجهة الى بن قاسم وبن قطمان
وبعد المشاورات بيني وبين الشاعر الكبير خالد بن قاسم
تم الاتفاق ان يكون جوابنا مشترك على بوراضي
جلسنا مع بعض وبيت من عندي وبيتين من عند بن قاسم
وبيتين من عندي وبيت من بن قاسم المهم ان نتاج تكاتفنا هذة القصيدة المشتركة
عسى ان تنال على اعجابكم وتفي بالغرض بالنسبة كاجواب على بوراضي

يامرحبا عد مانسنس نسيم البرود=واعداد برق المخيلة والمطر والرعود
لمسى يدمدم وضلا في جهامه يقود=في غيث مجهم ويتنذخ بقنفان سود
بالخط ذي قد وصلنا من بلد بن سعود=والله يعين المهاجر من عيون الحسود
بايحسدونك ولو حتى عيونك قهود=وانته على الجمر صابر والخلايق شهود
واهلك يقولون بوراضي متى بايعود=صابر على الحر في الغربة تركت البرود
ياصقر بوصيك لاميحت لارض النجود=ياحر عابر ولاشي في طريقك حدود
ولاجمارك ولاحد في دروبك جنود=شل الرسالة وبلغها لفهد الفهود
بوراضي الشهم هرجة في المقاعد نقود=له صيت من ساحل ابين لاصحاري ثمود
شاعر محنك كسبها ورث حق الجدود=واخلاق له عالية تشهد عليه الوفود
يذبح ويقدح ويكرم بالمعاني يجود=فاهم وواعي وعاده بالتعامل ودود
مرفوع راسه ومن جور الزمن ماينود=والوقت ساعة معك يصمد وساعة صدود
ساعات هيّن وساعة يلتزم بالجمود=واليوم بوصيك يالصقر القطامي وعود
سلام يبلغ لبوراضي بكادي وعود=ذي قد وصلنا كلامه فيه باقة ورود
كلام موزون للميزان قيم العمود=واليوم واجب جواب اثنين ياهل النشود
البدع يامصعبه دحرج حصا في سنود=والزرع متعب ويامسهل نهار النصود
ماشي مشوك ولا حجنا رهيفت حدود=زام البلاجيك عداء ذي تسوق الردود
ذلحين ليزر وله توجية عبر الحدود=عبر المناضير شفهم طرقوا للكبود
يالله بالعافية واطلبك يابالوجود=ترحم عبيدك ولاشي عود يصقبه عود