وانا من احفاد الرجال الدهامير = ذي تشري الجوده من البايعيني

[سيف رخيه]

بديت انا بالله ولي كـل تقــــدير = جـمـيـع خلقـه فيه متمسكيني
بيتت طول الليل دير التـفاكـــير = في ليل كل الخــلق به نايميـنــي
يغفر لي اذنوبي وكل التقاصير = جــيران بيتي اشتــكو من ونيني
صطرتها في شهر يكثر به الخير = سنّه إله العرش للصايميني
باقوم بارحب وباقــيم تفطــــير = تسمع به العربان ذي مبعديني
في جبر ضرعام الرجال المناعير = اللي على عهد الوفا وافييني
وفي الدها عنده شهادة مجستير = دارس علوم اجداده الاوليني
كل من تقصد لي فلا لي معاذير = وجاب لي علم اندفن من سنيني
ما همني ذي هو بدا ينفخ الكير = ذه مهنته وانته بقولي فطيني
بحرقه في ناره و باظلي ابخير = واخوتي جنبي كلهم سالميني
واللي ضمايرهم بحفنة دنانير = وضعتهم في سلة المهمليني
وانا من احفاد الرجال الدهامير = ذي تشري الجوده من البايعيني
والحاضر ايضاً بالصطره تصطير = توثيق للماضي و للناسييني
وسلام لك يامنتدى للمشاهير = ياملتقى للطيب والخيريني
خص المدير العام ذي دايم ايشير = للعز والناموس في كل حيني
ونائبه ذي ما بدا منه تقصير = مذكور في مكه مع الزايريني
ريته يشرف عندنا كل شي غير = بالحتفل به لو فقط ليلتيني
وبنشده وش هو سبب بامسامير = اللي قرح وصط عرب مسلميني
كله من الباطل سبب كل تغيير = والا الشبع زاد الوجع مرتيني
لابد من العوده الى وضع تشطير = ترجع على ارض اليمن دولتيني
بارفع علمها مالهم المشاوير = على قمم شمسان هي والحسيني
والختم باللي كلم الجن والطير = يشفع لنا يوم اللقا الحزيني