طالت المده

[سبع الليل]

طالت المده

ياواسع المدات يامولى الفضائل والكرم=يالواحد المعبود بانطلبك فضلك ياكريم
بعد الذي شفناه من شيخ القبائل والحكم=أيش بانشوفه من عمر حيمد وصالح باحكيم
لليوم هذا ما عرفنا حيد قاسم من قسم=ولا عرفنا المشتري والمرتشيه والقسيم
المؤتمر يؤمر ولي في المشترك قالوا نعم =سلبوا موال الشعب بالقوه وعاشوا في نعيم
هذا جزاء شعب المروه والتسامح والقيم=القمع والتشريد منذُ قام في الغربه مقيم
وعاد الحدث الاكبر وصل نحن المهم فوق الاهم=مثل السيول الجارفه من بُعد باتلقي هميم
دغشت حونشيه يرومون التباسي واللقم=قضوا على الثروه بخس النفس لقموها لقيم
وأيش استفدنا من عمائر باقلاقل والخيم=والشعب في الاسواق يتصكع مسى مكشوف خيم
لما متى وأحنا نحّطك يالقدم فوق القدم=لما متى وأحنا نعّتن فيك يالحصن القديم
لا خير في واشي ولا راشي ولا سفاح دم= ماعذر تداخل عظام الوعل بوقشعه وديم
طيّرت بالثروه ورصيت الرزم فوق الرزم=والتمر عاده ما ارتزم ماحد تعنى للرزيم
لا كهرباء لا غاز لا خاطر يفرح للنسم=الهم فينا والتعاسه هي ملاذي والنسيم
طالت بنا المده وزاد الجور وتخطاء العلم =والحكم حكم الله رب الكون بالحاله عليم
كثر النواير مخزيه والضرب يعقبه الألم=الضرب لا قد زاد عالمخلوق عد بانه أليم
بعد الكلام الزين لي جبناه يافاهم فهم=مابايفك الرمز ذا غير الملقن والفهيم