ياحنطبة شعني بغيت الفكيه=قصر طوال الهرج بقصار الكلام

[ابو صقر..]

ياحنطبة شعني بغيت الفكيَه=قصر طوال الهرج بقصار الكلام
سعفك وجنبك مارضا بالضريَه=والوجه سد الوجه وصحابك قيام
والقرش حدة من صروف الربيَه=من خوك لاجاك العتب لتقول لام
دمك ودمه والنسب والذريَه=مثل الحنك والضرس لاياخلس هام
حافظ على حب الوصر لتنذيَه=في الرهق حطه بايضل عشرين عام
وانك بغيت العبد مكسب وليَه=باينكرونك هل عفي والبادعام
(واش كلف الانسي زواج الجنيَه)=قد قالها من قبل منصوب السنام
شفني ضربك فوق راس القليَه=ماباك تنزلني وانا فوق الجهام
ماباسخى باللوم لك والشقيَه=ذي هوه ضرك ضرني قبلك تمام
راسي طحنته مثل طحن البنيَه=والضيف خليته ومن مطرحك قام
ماهو سوى شوفه ولاشي حقيَه=بادر ولم الصدع في روس الدقام
وارض المقدم والرضا والترويَه=بيدك وكم من جيد قد حول وضام
من دار فيها مطرحه والحليَه=بين المطارح في مدينتنا شبام
واليوم هذا الشال هو والجنبيَه=تحتك زقلته بين هل مشرق وشام
لاتدعي بالحق هو والحريَه=وانته مع القائد وانصار الامام