الثار معروف ما بيقع جمل باداس .................

[صوت الجنوب]

اعوذ بالله من ذا الجهل والكبره = ومن خباث العمل ذي هم بلا احساس
امس الحريري وقع له موتت الحسره = ولا عاد نفعوه هل دكا ولا مدراس
خلوه من بعد ماقد نشبت الخشره = وكيف باتخرج لخشره بلا مرجاس
لا قول شارون ذي هو كثر الهدره = ولا العرب من تعز لما تصل مكناس
تخطيط من بوش ذا ختمه وذا مهره = والعلم تأكيد ماهو حلم أو وسواس
واللي معه علم ثاني يوجز النشره = وان با يفصل خباره منها لا باس
قومو معي عبس وانتو يابني عذره = بالكشف الزيف هو والمكر والدساس
كليب قتلوه راح ضحية البكره = والزير سالم بدمه ما قتل جساس
وانتو وحلتوا تبون العبر أو بدره = وهرجكم دوب مثل الشوب ذي ينداس
الحلي في الحلي والعصره قفا العصره = والثار معروف ما بيقع جمل باداس
ومن يبا الوعل لازم يقتفي اثره = والعنف بالعنف والحيلة لبانواس
واللي يبا العذر ماحد بيقبل عذره = ماشي جماله بلا حكمة وشدة باس
وختمها بالنبي هو صاحب الهجره = ارسله ربه ومن اجله رسل حراس