مبروك ثم مبروك ياشيخ العرب ( بن بريك )

[بن بريك]

السلام عليكم ورحمة الله وبركاته
بمناسبة تخرج ابننا البار عمر بن سالم البريكي وحصوله على الماجستير
من جامعه الملك فهد للبترول والمعادن بالظهران
اتقدم له باسماء وأحر التهاني والتبريكات
وبهذه المناسبه اهديه هذه القصيده عسى ان تنال اعجابه واعجابكم

مبروك ثم مبروك ياشيخ العرب = يوم التخرج عندنا ذا يوم عيد
رفعت لي راسي وعزيت البلد = حسيت راسي قد وصل حد السماك
كل من زرع له زرع في الدنيا صرب = تستاهل الخيرات لانك ولد جيد
مثلك على الايمان دايم معتمد = اعرفك يابو شيخ صابر ماكماك
ذيب الغنايم ان بعد والا قرب = لاحط في راسه هدف عده بليد
اسعدتني والله : رعدك قد رعد = ياسعد من عنده كثير اخوه كماك
بهدي لك ابياتي تهاني مغترب = يالله عسى شوفك غدا وانته عميد
في خدمة الاسلام للأمه سند = وتحقق اهدافك وتبلغ مبتغاك
ياصاحب الهمه وعمره ماهرب = ياطيب النيه عسى عهدك سعيد
طالبك يارحمن يالفرد الصمد = تحفظ عمر واحنا معه نطلب رضاك

(بن بريك)
20/5/ 1433هـ