ملّيت من ليل الشقى والمعاناه (بن بريك)

[بن بريك]

بسم الله الرحمن الرحيم
السلام عليكم ورحمة الله وبركاته

مليت من ليل الشقى والمعاناه=وهمه إلي قد جرح لي فؤآدي
أمسي أناول صاحبي ماتمناه=وأقرأ له أشعاري وخلي رقادي
والبارحه يامن طعني بيمناه=طعن الخوي بالظهر غير أعتيادي
شاف الحقيقه واضحه نصب عيناه=وأنحاز للظالم وقصده عنادي
دافعت عن نفسي سكت ماسمعناه=مارد علي لما سمعني أنادي
للنفس عزه صعب ترجع ترجاه=ماتقبل الذله وطبعي سيادي
دب الخلل بالدار وأسمع مناداه=قالوا لي أحضر قلت حاضر وعادي
لكن حضوري ماجلب ما تمناه=مابدل أسلوبي وطبعي حيادي
أما يباني كون ظالم بيمناه=وإلا قلب ضدي وشد الزنادي
عندي مبادي تختلف عكس مبداه=والسر مخفي مانحب التمادي
شفت الزعل ظاهر بدأ في محياه=كنه يهددني ويطلب بعادي
يرمي علينا كننا قد رميناه=وشد في الهجمه يريد اصطيادي
ماخذت في الخاطر وله ماتمناه=برحل بعيد الدار وسط البوادي
إن كان ذا المطلوب بفعله يهناه=وأبغى الموده بيننا عطر كادي
مادمت قادر باصبر عالمعاناه=والله يصبرني يحقق مرادي

(بن بريك)
5/6/1433هـ