05-09-2012, 01:57 AM
|
#1 |
|
حال متالّق
 
|
قصيدة الشاعر عمر الفرا/ ثور تحزم .. واشعل التنور
ثور تحزم .. واشعل التنور ثور من حيفا .. لذرى الجولان ومن غزهَ .. لوادي الغور ثور ... وصلها .. لعين الشمس ثورهْ من .. الحجيم تفور ثور ... الشهاده بالوطن تعني ... بطريق ... النور ثور ... أجبر عالكسر .. يُجبُر بعون الله .. الكسر مجبور فجر .. كل شرايينكْ ولا تمضي العمر ناطوا تجذر ... بالأرض شجره ولا تبقى .. جنح عصفور الموت اهون .. ألف نوبه من العيشه .. بوطن مقهور خساره .. للي ما يدري بأي لحظه .. لزومء يثور زلزلها .. تهز القاع دمرَّ كل .. حديد السور تعلمنا .. بتواريخ البشر .. كُلهُمْ العصابه .. الشعب منصور ثور ... ثور ... ثور ... *** يا مُستعمِر .. أرض بلادي كل شي تغير .. كل شي تحوَّل لا تحلمْ ... برجُوع الماضي غير الطلقه ... لا تتأمل أرض بلادي .. مِلكْ ولادي مِلكْ الحنطه ومِلكْ المنجلْ غلطْ وجودك .. فوق ترابي غلطك تاريخي .. من الأول جيتكْ .. ترى جيتكْ أنا جيتكْ .. ما تعرفني شلون بأيَّ شكلْ .. بأيَّ لونْ نوبهْ تلقاني بسياره ... ونوبهْ تلقني بطياره ونوبهْ جني .. بوسط البحر تزيا مِنْ .. زيّ البحّاره ونوبهْ تلقاني .. بالسوقْ تعاود تلقاني .. بالحاره بصفارة إنذار .. أطلعلك بالزمور .. بضو الشاره أطلعلك .. من تحت فراشك أطلعلك .. من بين ضراسك أطلعلك .. من وردة جوري من شوكه .. بتين الصَّباره مِنْ المركب .. مِنْ رمل بلادي من حمولهِ .. تهرب أمجادي من تله .. من سفح الوادي من شجره .. وسط البياره *** هذي حلولي فطرَّ بيها ... خطِطْ واسرح ... روح تأملْ حللها .. فكرَّ .. على مهلكْ يا تقبلها ... أو ما تقبل قصتنا ... لازم ننحيها ولو تشلعْ قلبكْ ما نرحَلْ |
|
| مواقع النشر (المفضلة) |
|
|
|
|
العرض الشجري