مـا أوفيـت دَينــــــك

[حسن محمد سالم باقديم]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

مـا أوفيـت دَينــــــك في العشق ما اوفيت دّينك=إنسيتهم عاشقينك تمشي قفا حاسدينك=ما خِفت عتْب أو ملام ما حْسِبت غُرْسَك وشرعك=ينْسيك أصلك وفرعك خزّيت باهلك وربعك=وأحرجت عُصبَه كرام واليوم هيهات نرضى=عن فِعلكم ما تغاضى حِبَّتْك يا زين مرضى=من كثر عيف الكلام لا تظنّنا قد نسينا=ما لقيت يا خِل فينا فرّحت كل عاذلينا=ما قلت: هذا حرام والبرد تعقبه رمضاء=والنّاس تزعل وترضى لجل المطاليب تقضى=لا ما افْجَروا في الخصام صلّوا على أحمد وآله=ذي جاء لنا بالرّساله البدر ليلة كماله=من يِتْبَعَه ما يضام

لو بغيتوا اليمين حاضرين .. عرفت في الفتره الاخيره هذا الركن العظيم وشاعرنا وقدوتنا محمد بن سعيد بن مخاشن الحمومي ابوصالح عرفته في الفتره القريبه عرفت فيه قلب ابيض شاش وحبيت تلك الشخصيه والهامه العاليه حب عظيم ويعلم الله مافي القلوب ... كما اود ارفع له مدح وثناء وقليل في حقك يابوصالح اعجبتني قبل ليله او ليلتين مني الغلط كلمه خرجت من فم هذا العملاق الطيب ( يقول دعوني بااطلع الريم باخايل الشاره ) اثرت عليه هذه الكلمه لاانها من ورث الشيبان وهو في جده له سنوات مغترب وهذا دليل اصالته ومنابته العاليه والعرق الاصيل اصيل لايخونه اي شي شكر وتقدير وعرفان لهذا الركن العظيم نحبه محبه في الله اطال الله عمره وفرج همومه له منا الدعاء الصالح



له كثير من الكلمات اتذكر منها البعض يرميها ببساطه احمديه لها نكهات لايعرف قدرها الا ذو حظ عظيم ( ياما عشنا وشفنا ) اما بخصوص القصيده فما حبيت اتطرق اليها حيث ان القصيده لايكفيها ولا يكفي قائلها الا وقت هدوء نصوت لكي نعطي هذه العصماء حقها ونعطي قائلها حقه شكر وعرفان وتقدير وسلام لك خاص ملى مركب باخشب شل ذي بغيته والباقي يابوصالح اعطه من تريد تحياتي