الشاعر محمد سعيد بن مخاشن(المخشني) وكلام شتني؛؛؛؛؛

[الخليفي الهلالي]

الشاعر محمد سعيد بن مخاشن

شاعر الحب والسياسه

في الميــــــــــــــــــــــــــزان



تعرّفت على الشاعر المخشني قبل أعوام هنا وتابعت ماكتب من قصائد وزوامل خص بها أحداث سياسيه عامه ووطنيه أومناسبات دينيه أوعاطفيه وهو يميل لهذا
وقد خرجت بنتيجة ألخصها لكم في أن الشاعر بن مخاشن كتب أجمل قصائده في حب الوطن وهذا حال كل أديب وشاعروطني خصوصاّ شعرائنا من أبناء الجزيره العربيه وجنوبها بالاخص
وهذا ما دفعني للفرز بين قصائد الشاعر محمد سعيد بن مخاشن أبو صالح وأن أفرد لها موضوع منفرد

الشاعر بن مخاشن ورغم الظروف الصعبه التي تحيط به في المهجر لكنه ينطق بمايحمله في الباطن وقد كشف باطنه عن معدنه وأصالته نحو وطنه الأم


نتوقف لبرهه مع آخر انتاجه وهي قصيده حقيقة تستحق أن نتوقف عندها وأبداء الاعجاب ذلك للأمانه وليس مجامله.

من قصائده الوطنيه قصيدة: بلــــــــــــــد عمّـــــــــــوري

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

بلــــــــــد عمّــــــــــوري قَدَر مكتوب يا الأحقاف دايم ما يُذُكْرونش=برغم إنّش أساس العِلم والثّروه وساس الجود مليك الشّعْر إمْرُ القيس ضمّيتيه في جفونش=وجاء عندل وجاء دمّون في إسفوح الجبال السّود ومتنبّي القوفي بن حسن حِذْرِش يَغِبْنونش=يقولوا إنّه عراقي أو أثر في نجد له موجود وبن خلدون لونه يا بلاد القَبْوَلِه لونش=وياما كَلْ قرينيّه ... شبِع من لحمها المقدود وذي دوّخ بأمريكا تربّى بُوْه في دجونش=وبالباطل يردّونه تَبَع ذي يَزْن والإخدود وكم تاجر ترعرع في ربوع إقْراش وِقْطونش=معه ذي ما معا قارون في إيدِه ... ذهب وِنْقود ولكن ما لهم تأثير ... مَسْرَع توّ ينسونش=وذي في الهند قَع هندي وذي هو في قطر مقيود بهم أعراض (( ما سيبي )) حَجَتْهم دوب من دونش=وخلّت كل مِنْهم بعد حاله منشغل مقرود وجاء ذا اليوم عمّوري ... إماراتي؟ نسي ديونش!=كأنّه عا جلود الضب متربّي وعا المفرود نسي حِجْف الخمير ... الله يكرم فيش وِيْصونش=مصبّغ في قدح روبه ... ويمسي عا الوقا مبرود نسي شُعْبِة عمر في عَمْد ... يا حسرتش وِحْزونش=ولا هو لوّلي ذي قد تنكّر يا بلد لِجدود ويا الشُعبَه على رغم الهويّه سِرْي عا هونش=لأن أخوان عمّوري في التّرحيل شِبْه إطرود يمين الله يا الأعراب أبد ما بايكِرْمونش=ولا حد مِنّهم مخلص ولا حد ينقد المنقود إذا مدّوا لش الفضلات ... لا تظنّي يحبّونش=ولا يسهل عليهم لا وربّي لو يمُدّوا عود سوى ألاّ المكر ديدنهم وذر إرماد في عيونش=بغوا لش كل مصيبه قاضيه من حجْر لُمّا هود ويعجِب هرجهم عنّش ... وظُن بالرّوح يفدونش=واشوف أفعالهم عيفه وبيّت مِنّها مكبود جميعًا كلّهم يا زَينَتي قد خيّبوا ظنونش=ولا حد يرتجي من بارَكَب تطبيب للمارود صراحه شي بني عمّش يَكَرْهونش ويشنونش=بدل عمّور جابوا بُورَمي بوذي وسيخ إهنود مصيبه يا العزيزه يوم جيرانش يطِنْشونش=وذا مكتوب من ربِّش ... ولَيدِش عندهم مطرود قَدَر مكتوب يا جعيمه ... هل الماء ما يطرّونش=ولو سيلش وصل لُمّا صحاري الرُّبْع بعد إثمود تَبِيْن العذر؟ شي عذرش معش! من بايلومونش؟=لأن الخُوْ أكذب من أبو التّقيِه ومولى أسدود تعيشي يا بلد عمّور في مغناش وِلْحونش=وفي ثقافتش وِتْراثش برغم الحاسد المنكود وفي قلبي وفي عقلي أنا المُضنى ومضنونش=أنا العاشق ... أنا الولهان بش لا يا ذهب منضود ولازم با يجي لش يوم واهل الــ (( سَمْ )) يَعِذْرونش=وبا يتندّم الظالم وكل جاير وكل نمرود بطى ذا الوقت أو أسرع عليش إتشمّري ردونش=وحقّش با يجي مهما عرب طمسوه بالبارود وإذا ألاّ المسأله بهتان جم شجعان يحمونش=حديدي بايفل لِحْديد... وِزْنودي تصُد إزنود عشانش با نسيّل دم من هم بايذلّونش=وبعد اليوم ما نخشى سوى ألاّ الواحد المعبود كفايه صبر عا لِرْعاع ذي كل يوم يأذونش=ويا الطّارف ترفّع قبل تصبح في كفن ملحود صلاتي عا النّبي ... بجاهه يكون الله في عونش=إلُمّا البعث والمحشر وذاك اليوم ذي موعود

تابعوا التالي؛؛؛؛؛