جميع قصائد اخوكم \ حسن محمد سالم باقديم

[حسن محمد سالم باقديم]

اقتباس : المشاركة الأصلية كتبت بواسطة الخليفي الهلالي [ مشاهدة المشاركة ]

حنطبه بحرعميق يالله يالله نسبح على شاطيه يا عمــــــيد الشعراء؛؛؛؛؛

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

بسبح على شاطيك في ماحك وغزرك ماسبح=حتى على شاطيه لا مامعك بصر خل السبيح ياهاجسي عند البلا سكن من ازمانك رتح=وباب منه الريح قع عاقل وسده واستريح ياكافي البلوات تكفينا وياصافح صفح =في ذا الزمن قصد على نفسي من القول الفصيح ياصاحب الخط الموضح خطك الزين امتسح=والصبر قد سبوا على مريم وسبوا في المسيح

اقتباس : المشاركة الأصلية كتبت بواسطة الواقعي [ مشاهدة المشاركة ]

كم صحت كم صيّحت ياصاحبي لمّا الصوت بح=واليوم حان الوقت بالاسرار لازم با نبيح لا ميّحت شي ميج من فوقك ولا مرّت شبح=ذلا جلد وادمان مشبوحه كما تنظر شبيح ظمدين تتناطح قريب ازيار فيها الماء سفح=واتكسّرت لزيار الخزبه ومكسور السفيح (ثوره) نطح (ثوره) وفاز الثور لي ثوره نطح=ومربّي الثيران يابقديم يصبر عالنطيح

اقتباس : المشاركة الأصلية كتبت بواسطة الخليفي الهلالي [ مشاهدة المشاركة ]

نعم نعم يالمقدم وذي مامعه بصر للسباحه يحتبي على سوم الشاطئ ويتفرّج على الموج المتلاطم ولكن جانا فيضان الواقعي وغرق ذي هو في البحر وشل ذي على الشاطئ؛؛؛؛؛

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

تِنّارنا ذي في السّقيفه يا القديمي ما ارتشح=تعبر على شهرين ما نشوف النّزيلِه والرّشيح مسوى على ذاك البجود الحاف شفني با قَمَح=كَنْ المطاحن يا حسن صلّن بأسباب القميح صارت كما الفُوْهَه وفيها الرّمل عا راسي ذلح=والواقعي من ديرته يذلح على راسي ذليح لَدْخلت فيها صِدْت بن فصعان للفصعي رمح=وقام بن فصعي وخذ ثاره بتكرار الرّميح والواقعي دايم كلامه دوب عن ثور إنتطح=والثّور عِطْه القِلف با ينسى التعتّر والنطيح

باشل كلامك والمعاني زاد خلوني س رح=والزاله من كل فج شالوب اّتاها وريح
حسبته ممطرها وهو فيه الغضب صب وانطرح=ومن فصل جندل ومثقل بات عافرشه طريح
ياالواقعي يابن مخاشن في المكاره ماسمح=خيط الجنايه ذي قبض باسمح يقبض باسميح
لازامكم يعجب ولاني في زماني بامدح=غثاء بنا ذي في رعين الهجر كثر في المديح
لاجيت باناصح بنادم ماستمع لي وانتصح=ذا وقت فيه الجيد يتعب صاحب القلب النصيح