مساجلات الزامــــل الشعبي

[بن احمد]

اقتباس : المشاركة الأصلية كتبت بواسطة الواقعي [ مشاهدة المشاركة ]

ما سوى الدجل في معهده قالو تخصص=جابو الفقر وامّا الجهل فاتح سفاره ماهو الماس ذلاّ صهد فالنور ولّص=والملف لي معه مافيه حتى استماره

فاقد الوعي من جحرين يالشهم يقبص=ماهو اللي من اللي يفهموا بالاشاره
والمثل قال بدري من ترخص تمحص=وانت عالزين دور لو يغلوا سعاره

[الواقعي]

اقتباس : المشاركة الأصلية كتبت بواسطة بن احمد [ مشاهدة المشاركة ]

فاقد الوعي من جحرين يالشهم يقبص=ماهو اللي من اللي يفهموا بالاشاره والمثل قال بدري من ترخص تمحص=وانت عالزين دور لو يغلوا سعاره

ما بغيناه ولد ابليس يومه معرّص=با فرح الى اذا دبّر وقتّم غباره
والمزيّف في اسواقي وجوده تقلّص=مانبى الصفر لي مجهول حتى عياره

[محمد سعيد بن مخاشن]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

وهذا الفصل الجديد خمسة أيام مسمعت الكلام المرصص= بات سهران والسهران طال أتنظاره هل سافرت فالجيب الجديد المقفص= لرض لحقاف حيث الفايده والخساره هت لي إخبار ذي خربط وفالذود رقص=وأسرده للجماعه في أقل من عباره هل تراجع ولازوّر وزيّد ونقص=أو من الكذب يبنيلك ثنعشر عماره

قاف مكسور لا يا الصوت وإنته تمحّص

وإنشد آساد حق الشعر وإنشد نماره

***

يومها ( هل ) تخلـّي شطر بيتك معرفص

مهو ناضج نكتـّــه عا عجل في الغضاره

***

خذه شعري كما سنكر حجر ذي مقصص

نا نحذ ّرك تتعرّض وخل القواره

***


سالفك دوب تتجسس علينا وتلصص

وينه الواقعي يحكِـم زفين المداره

[الواقعي]

اقتباس : المشاركة الأصلية كتبت بواسطة المخشني [ مشاهدة المشاركة ]

قاف مكسور لا يا الصوت وإنته تمحّص وإنشد آساد حق الشعر وإنشد نماره *** سالفك دوب تتجسس علينا وتلصص وينه الواقعي يحكم شروح المداره

بن مخاشن مسك بندق وعا سعيد قوّص=شاف صخر القرض قدجات منه شراره
وانت يا سعيد من واجبك لا لاتملص=ليه تسرع وبعض اوقات تقطع اشاره

قوص: اطلق النار باللهجه اللبنانيه

[بن احمد]

اقتباس : المشاركة الأصلية كتبت بواسطة الواقعي [ مشاهدة المشاركة ]

ما بغيناه ولد ابليس يومه معرّص=با فرح الى اذا دبّر وقتّم غباره والمزيّف في اسواقي وجوده تقلّص=مانبى الصفر لي مجهول حتى عياره

شوفك اليوم شخصية مطوع تقمص=مير منّك نشم ياخوك ريح السجاره
لو معك علم هاته علم موجز ملخص=لجل تطفي من اقلوب الرجال الحراره

[الواقعي]

اقتباس : المشاركة الأصلية كتبت بواسطة بن احمد [ مشاهدة المشاركة ]

شوفك اليوم شخصية مطوع تقمص=مير منّك نشم ياخوك ريح السجاره لو معك علم هاته علم موجز ملخص=لجل تطفي من اقلوب الرجال الحراره

سرو البر يابو شيخ يومه تقرص=ما لحقناه فا الحدبه ولا فالزباره
جاكم ابليس لي هو بالبشر قد تربص=ناوي ام اللبن لي هي سمينه خصاره

[محمد سعيد بن مخاشن]

اقتباس : المشاركة الأصلية كتبت بواسطة الواقعي [ مشاهدة المشاركة ]

بن مخاشن مسك بندق وعا سعيد قوّص=شاف صخر القرض قدجات منه شراره وانت يا سعيد من واجبك لا لاتملص=ليه تسرع وبعض اوقات تقطع اشاره قوص: اطلق النار باللهجه اللبنانيه

هو نصاني ونا ألاّ دوب منـّــه تحوّص

لا رأيته قـَـبَـل علـّــيت عا راس قاره


بس قد زاد ماهم عا طحيني وغوّص

كل معصاد في البرمه بغوها شطاره


وإنت لا رحت لا لبنان خاويت صورص

وبن مخاشن في الموداب ينشق غباره

صورص = من أكبر المليارديرات الأمريكان كان مديّن جميع دول شرق آسيا

محمد بن مخــاشــن

[بن احمد]

اقتباس : المشاركة الأصلية كتبت بواسطة الواقعي [ مشاهدة المشاركة ]

سرو البر يابو شيخ يومه تقرص=ما لحقناه فا الحدبه ولا فالزباره جاكم ابليس لي هو بالبشر قد تربص=ناوي ام اللبن لي هي سمينه خصاره

ربعنا حد وسط ملهى وحد وسط مرقص=باعوا ام اللبن في وسط سوق الزياره
لكن الصدق ماذلحين والحق حصحص=خلوا ابليس يتبرع بوسط المداره

[الواثق بالله]

الخبر مايجي ذي بالحقيقه ملخص=كل ناقل يحط في كل جمله عباره
بدلوا الحق بالباطل وكل(ن) يرقص=واصلحوا الكذب والقو كل كذبه بشاره

[بو مجيد]

اقتباس : المشاركة الأصلية كتبت بواسطة الواقعي [ مشاهدة المشاركة ]

سرو البر يابو شيخ يومه تقرص=ما لحقناه فا الحدبه ولا فالزباره جاكم ابليس لي هو بالبشر قد تربص=ناوي ام اللبن لي هي سمينه خصاره

قالوا الدار بالجيران تغلى وترخص= لاتلومون من بالرخص قد باع داره
ماتشوف المدن بالليل تمسي تبهصص=واوصل الخط في عهده إلمّا الصداره