مساجلات الزامــــل الشعبي

[ابو ماجد باصليب]

حيابكم يامردعين الميل =يادي على مبدى ومله
الراس يبقى راس ماهو ذيل=وانحد يانشد ياخوي قل له

[الواثق بالله]

هت لي خبر من بعد ما جاء السيل=ذي قد نبش كمين سله
والنخل ذي قالوا صبح ضنجيل=ومالحق سده يشله

[ابو ماجد باصليب]

ياضاريين الشرح والتطبيل=السيف له برقه وصلّه
وانحد مكذّب ابرهه والفيل=خلوه بيتمي بغلّه

[ابو ماجد باصليب]

السيل قد عدى وراح السيل =ماشي خطاء ولامزلّه
عاد العرمرم بايجيب الويل=باينقر المحصول كله

[الواثق بالله]

اقتباس : المشاركة الأصلية كتبت بواسطة ابو ماجد باصليب [ مشاهدة المشاركة ]

حيابكم يامردعين الميل =يادي على مبدى ومله الراس يبقى راس ماهو ذيل=وانحد يانشد ياخوي قل له

حياببو ماجد موفي الكيل=عالجود عقله با يدله
الفارس العربي بظهر الخيل=والفسل لاتقربه خله

[أحمد العمودي أبوفيصل]

عليك بالتسبيح والتهليل = يالي معك مذهب ومله
من قبل ميجيك عزرائيل = وتموت به من غير عله

[ابو ماجد باصليب]

دي حل شبوه يبى التبجيل=يشرب نسق من راس حله
مايعرف التلفيق والتدويل=هميم رجله باتشله

[الواثق بالله]

حيا العمودي عالم التشكيل= والحرف مايعجزه شكله
عارف حروف المد والتعليل=والخط مايخطه بعله

[ابو ماجد باصليب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

عليك بالتسبيح والتهليل = يالي معك مذهب ومله من قبل ميجيك عزرائيل = وتموت من غير عله

القيت لي عل مصنعه دربيل=من شان شوف دي يدحق برجله
وليش يابوشاخ بتهويل =الحمل مهما ثقل بانشله

[صالح باعمران ابو زايد]

اقتباس : المشاركة الأصلية كتبت بواسطة ابو ماجد باصليب [ مشاهدة المشاركة ]

القيت لي عل مصنعه دربيل=من شان شوف دي يدحق برجله وليش يابوشاخ بتهويل =الحمل مهما ثقل بانشله

كلام كلام يابو ماجد كنك غيرت لهجتك (( يابو شاخ ))!!!
ههههههههههه
كفو يابو ماجد