مساجلات الزامــــل الشعبي

[سكوتك عذاب]

فصـــل جديـــد

ذا فصل والثاني ولا بغينا زعل=دنيا دنيه ما على بوها ملام
لا شفت بني ادم ولا له شي قبل=لا تحسبه رجال مطنوخ وهمام

[ديناميت الجنوب]

اقتباس : المشاركة الأصلية كتبت بواسطة سكوتك عذاب [ مشاهدة المشاركة ]

فصـــل جديـــد ذا فصل والثاني ولا بغينا زعل=دنيا دنيه ما على بوها ملام لا شفت بني ادم ولا له شي قبل=لا تحسبه رجال مطنوخ وهمام

هيا وسهلا بالجمل ولد الجمل=اعداد ما راعد فقع راس الجهام
هرجه عسل ماحد يعّتب فالعسل=ما يوكل الغره وخلق الله صيام

[ابو صقر..]

يالدينميتي لا متى شوف الخلل=وانته وغيرك عالغلط دائم قيام
نوب الصرر ماهو كما نوب الحلل=ولا انا مخطي,, على الدنيا السلام

[احمدباعجره المشجري]

اقتباس : المشاركة الأصلية كتبت بواسطة ديناميت الجنوب [ مشاهدة المشاركة ]

هيا وسهلا بالجمل ولد الجمل=اعداد ما راعد فقع راس الجهام هرجه عسل ماحد يعّتب فالعسل=ما يوكل الغره وخلق الله صيام

ماحنت الرعدان والجهمي رسل = يادينميتي لك معزه وحترام
ون قد نظرته في الافق شوع وهل = برسلك الهاجس معنا باسلام

[احمدباعجره المشجري]

اسف يابو صقر اضاهر كنا لكتب في وقت واحد

[بن احمد]

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

ماحنت الرعدان والجهمي رسل = يادينميتي لك معزه وحترام ون قد نظرته في الافق شوع وهل = برسلك الهاجس معنا باسلام

يامرحبا تعداد ماحط السبل=بالمشجري نسل الرجاجيل الحشام
ياصاحبي هذا دخولي في عجل=حبيت سلم عالكريم ابن الكرام

[صوت سيبان]

اقتباس : المشاركة الأصلية كتبت بواسطة بن احمد [ مشاهدة المشاركة ]

يامرحبا تعداد ماحط السبل=بالمشجري نسل الرجاجيل الحشام ياصاحبي هذا دخولي في عجل=حبيت سلم عالكريم ابن الكرام

المشجري ياشيخ راسي كالجبل=والشيخ راسي زي الشوامخ والدقام
والسفع وأمات الطلي هو والحمل=الذبح فيهن قال بورايد حرام

[نجود]

بوصقر مثل الشهر لي شوّع وهل=مشهور يتكلم في المجلس كلام
ودي معه ساعه نشارك في الزمل=بثيوبياء وأنه بغا دار السلام

[عيبون]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

المشجري ياشيخ راسي كالجبل=والشيخ راسي زي الشوامخ والدقام والسفع وأمات الطلي هو والحمل=الذبح فيهن قال بورايد حرام

يامرحبا بالهرج من شاعر بطل=(ل)الشعر منيب بانعدّك له سنام
هرجك عجبني منه الهاجس قبل=ودعا عياله ذي في الصفرا شبام
واما الحلايل جاتني اربع دبل=يالمحبره وينش ووينش يالقلام

[نجود]

قدها مقاله لاتحمل عالحمل= ولاعلى ضانه سمينه من سيام
حمل على دقموس يطلع فالعكل=أمن المكلاء الحمل يوصل لاشبام
الداعني يبرك ولامنه عمل=والضفع جم بين المضالع والسوّام
شوّرعلى هيّج تشل حملك دبل=ولاتفدمها ولاتلقي خطام