مجلس الدان الحضرمي

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

معدشي زين يا محمد ومن غثوه الى غثوه=تركنا امرنا للمعتلي للواحد القهار ولا تمت كذا الحاله يباله من كوى ثنوه=وعا كل فصل وحده زائده من شان لا يحتار وفي ظني علينا قال بو طارق عمر شقوه=لان بعض الصهاره ماقفاها غير شرب الحار

وفي كل محضرة شيباننا شفهم لقوا كوّه=إذا شافوا العدو مقبل يشِبْعونه لهب وشْرار
وحقّك ما يجيبه بيرق الوزران بالبهوه=إذا ماشي معك عُـرْبه سُـمُـر عا ألحانه المحضار
وصاليها قدر والرب بيعينك على الصلوه=وفي ذا الوقت لا يا الذيب ما حد في العرب يعتار

محمد بن سعيــد بن مخــاشــن

[أحمد العمودي أبوفيصل]

وعاد المخشني يحلم من النشره بغى ثروه = مسوي حوش فيه الضان والحشوان والابقار

[أحمد العمودي أبوفيصل]

تصبحون على خير

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

محمد لاتخلينا نبات الليل في صروه=فتك ثلثين من عقلي معاد بانضبط المعيار وخوفي من وجع لمصور لا قد جاته الحصوه=وماسيوف البلاء قدها على راسي كما المنشار

صبِـر قولوا لبو جمعان ما شي صعب عا الفِتْوه=بني لحقاف بيخلّوا العدو يزفن زفين الزار
ولكن شف صهوري هم وجيراني بغوا نبوه=إلى ذا الحين يكوون الحماره والوجيع إحمار

محمد بن سعيــد بن مخــاشــن

[محمد سعيد بن مخاشن]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

وعاد المخشني يحلم من النشره بغى ثروه = مسوي حوش فيه الضان والحشوان والابقار

مريِّــم ليه بتنامي أفا شوفيه ذا خزوه
..........تركتي الضيف في الشُّـعْـبَـه على كزمه معا محّار؟

[الطامع]

سمع الصوت لي نادى ونا هبت لانحوه = وفي الميدان كم شاجع يفرر دمع عينه شرار
وكل قاسي بغا يالشيخ له تعطيف با لقسوه = وخل النقش عالبيبان ذي من صنعة النجار

[عمر الذيب]

اقتباس : المشاركة الأصلية كتبت بواسطة المخشني [ مشاهدة المشاركة ]

صبِـر قولوا لبو جمعان ما شي صعب عا الفِتْوه=بني لحقاف بيخلّوا العدو يزفن زفين الزار ولكن شف صهوري هم وجيراني بغوا نبوه=إلى ذا الحين يكوون الحماره والوجيع إحمار محمد بن سعيــد بن مخــاشــن

تحرف في المثل يابن مخاشن ويش ذي الهفوه=نباء ضرب المثل عاحسب ماهو شاع في لخبار
تغالطني ولا دري بالعمد او منكم كبوه=ولكن حسب ظني ما تباء ذاك الخبر يندار

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

تحرف في المثل يابن مخاشن ويش ذي الهفوه=نباء ضرب المثل عاحسب ماهو شاع في لخبار تغالطني ولا دري بالعمد او منكم كبوه=ولكن حسب ظني ما تباء ذاك الخبر يندار

لزوم الوزن لا يا الذيب ... للخِيّـاط ذي عروه
.......... لقيناها ... ويكفيني العمودي ... صُـلـْح يا الهدّار

[عمر الذيب]

يقول الذيب ما الليله نبا سمره=معي شلو وحطو يا صلاب الروس
ترى ما يدخن البوري بلا جمره=ولا با يخرج الخرمه لنا الكربوس
بغينا عود حمي يضبط السكره=لان الوضع شوفه ذي السنه محيوس

[عمر الذيب]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

يقول الذيب ما الليله نبا سمره=معي شلو وحطو يا صلاب الروس ترى ما يدخن البوري بلا جمره=ولا با يخرج الخرمه لنا الكربوس بغينا عود حمي يضبط السكره=لان الوضع شوفه ذي السنه محيوس

فيينكم يا جماعه