01-19-2013, 11:29 PM | #1 | ||||||
حال جديد
|
إبن العمودي يدخل التاريــــــخ ...سجــّل يا قلم
ابو حسان التريمي: ذا فصل والثاني صنعنا الكاس لــصــْـحاب العلم الفوز إماراتـــــــي ولاكنّ الهدف مــن حضرموت إبن العمودي يدخل التاريــــــخ ...سجــّل ياقلم والحضرمي لاجاد شي ..لازم يقيسه فوت فوت هاني دعكيك : يــا مرحبــــا بكلام من شــاعــر تكلــم ما ظلم جاب الكلام الحضرمي يهداه لاصحاب البشوت ابن العمودي ما خلف وعده ويصحى من حلم جاب الهدف و الكاس شله للصحاري و الخبوت أبو حسان التريمي : الحضرمي ياودّ بـــــــن دعكيك يبقى فالقمم رغم المصاعب والشقاء يحى بصيته مايموت مشهور بالأخلاق والطيبه ترى منذو القدم الحضرمي لاداس بقعه تبقل الأرض النبوت ابو همام بن هملان : يامرحبا بقوال من شاعر في اللحضه ابتسم بالرغم ان الجو بارد ومتغطي بكوت الحضرمي جاب الهدف والخير قالو مايعم الكاس لأهله ياأخي ماقسمنا الا يفوت Jamal Alattas .. من ما معه موقد ينجّح لحم .. مثناة البرَمْ باينقضي عمره وهو جيعان قط ماذاق قوت ولد العمودي لو بدوعن .. كان هلكته الخِدَمْ والّا على الكيرم يروّح محتبي .. أو ع البلوت أبو حسان التريمي : الشعر سطرته لكم ومروركــــــم عندي أهم دامت محبتكم وفي قلبي بنيتوهـــــن بيوت يالـّي سكنتم في الحشى كلّي لكم روحاً ودم حبي لكم واضح معمــّــد بالوثايــــــــق والثبوت Jamal Alattas .. ياكم جواهر حضرمية في الخزاين .. كم وكم كل من معه دولار جاب الجوهرة من بطن حوت أبو حسان التريمي : الصبر يالعطاس ,,,يــوم الذيب يوكل فالغنم الراعيــه غفلت ولاشفنالها صورة وصـوت أبو حسان التريمي : يالحضرمي ميفيــْد كثر الهرج ميْــفيد الكلم قم ردْ حقك قبل ما يــمـْحوا المعالم والنحوت Jamal Alattas .. الراعية من سمح قد عورت وقد جاها البكم ذا يومها تبعت عيال ابليس .. ذولاك الزفوت أبو حسان التريمي : كله السبب يرجع لآل ابليس واصحاب اللقم لي سيــّبوا الأمه معا من حطّ جنبيــّه وكوت Jamal Alattas .. ماحد صلاب الروس بيداهم واصحاب الهمم واستامنوا ع خلق اضعف من بيوت العنكبوت أبو حسان التريمي : شف صاحبي يتبع وريـــته يوم في أمره حسم بدعي عساها بالفـــرج من بعد دعوات القنوت Jamal Alattas .. غاية طموحه صاحْبَك يبحث على شِرِخ اللخم ومن طموحه هكذا .. ما بايذوق العنبروت Jamal Alattas : والآدمي لو ما قَبَس شفته كما رِزم النَشَم شُربه خمج ما با يقاربها .. منيعات القلوت أبو حسان التريمي : غشــّـو اللبن .. عا صاحبي المسكين يسقونه بسم قــلّه يقتلونك ..وضنك فـي خواطرهم سموت Jamal Alattas : كل من استامن ع الملابط أو تعصّر بالخمم بايخسر اللعبة ولو حتى معه عشرة كروت لو من عبيدة حد معه عربان .. والّا من دهَم إن كان جاب الدُر والياقوت لي هو في التخوت أبو حسان التريمي : الدر والياقـتوت ما يأتيك صــدفه مـن عدم كل مـن يريد الكنز يقـدم للدراسه والبحوت بالعلـم يرقيــْـن الأمـم أيضاً ويسقطن الأمم مش بالشراسه أو بلا خبره على المرمى تشوت Jamal Alattas : قولوا لبوحسّان دنيا عابرة .. والفصل تم كلين با يلقى نصيبه حتم .. والدنيا بخوت والرزق للمؤمن كتبه الله .. ولعـــابد صنم ولا يغرّك من ملَك ابراج أو قصر أو يخوت هاني دعكيك : يا ذي فتحتوا الفصل و الموضوع حالي لأنّطعم سمحــوا لنا ساعه معاكم قبل ماهاني يموت الحضرمي رأسه على رؤس الشوامخ و القمم ما قلت شي قولوا لماجد حوت ما يوكله حوت يا حضرموت الخير انتي نار حمراء في علــم ما با نترك فيش حتى بالدراهم و السنــوت أبو حسان التريمي : عُمر الدراهم ماتســاوي عاد أو تسوى إرم من با يبيعك وانـت يالتاريخ فالقمــه علوت قولو لهاني من يحـــب المال والدنيا بجم مسكين قله الساس يبقى لاكن العدي تفوت هاني دعكيك : بصمه لنا و القصر شامخ قال هاني ما انهـدم من قال لا قله لانك مهتوي اكل السحـوت ما شق بي الا الذي سوس في الكار الدهــم خرب على ناسي ببخته لعن بو بعض البخوت أبو حسان التريمي : القصر شامـخ رغم كيد الظلم والقوم الرمم ياريتنا معرفتهم والا معاهــم ماحكوت بو جهــل ياهانــي فرح لما دعيته بوالحكم وان هو تكلـّم غصب يبغى الناس من حوله سكوت أبو حسان التريمي : والختم صلي عالنبي تعداد مايجري النسم واعداد ما تقرأ وما تكتب وعد ماقد حصوت |
||||||
01-20-2013, 05:00 AM | #2 | ||||||||
شخصيات هامه
|
مساجله جميله عنوانها العمودي وهدفها تعداه بكثير خصوصا ما نظمة ورمز له جمال العطاس سلام ياوطن؛؛؛؛؛ |
||||||||
01-20-2013, 05:20 AM | #3 | ||||||
مشرف قسم الرياضه والشباب
|
جميل ما دونته أخي السنقبي ..
عمر عبدالرحمن العمـودي .. " عموري " سبحان الله ,, حكايه .. من لاعب هاوي يلعب بحـوآري الرياض .. إلى لآعب دولي تُدفع له الملايين . سبحان الله كم أنت غريبة يا دنيــآ ... وسبحان الله .. يهب لمن يشـــآآء .. الله يوفقه في مسيرته .. ويبعده عن أعين الحساد . تحيــآتي .. وشكرا لك اخي السنقبي .. وتقبل مروري ي غــآلي . |
||||||
01-20-2013, 06:37 AM | #4 | |||||
حال نشيط
|
نجاح الحضارم حتى ولو كان خارج وطنهم (حضرموت) يصير كالعلقم عند بعض الاصوات النشاز مثل الخليفي الهلالي، ايها الاعزاء اكثروا من اخبار الحضارم المخضرمين كي ينكشف القناع وتظهر الصورة الحقيقية لاعداء حضرموت والحضارم.
|
|||||
01-20-2013, 12:22 PM | #5 | ||||||
نائب مشرف عام قسم الأدب والفن
|
عَدكم نسيتوا يا جماعه صاحب الفعل الأهم = ضحّى بعمره والثّراء وقتلوه بِمْدينــة أبوت ماحـد لقا مِثْلِه صعد لُمّــان شنطوب الهــرم = قـال الحقيقــه والأوادم كلّهم جُبْنـاء صموت |
||||||
01-21-2013, 06:04 AM | #6 | |||||||
شخصيات هامه
|
جميل يا أباصالح
قدم العمودي سجل هدف ذهبي سالت بعده ملايين الدراهم وحقا لحضرموت أن تفتخر بابنها الذي خطف الأضواء أين من يذكر آلاف الأقدام المغامرة ، الباحثة عن رزقها ؟؟؟ |
|||||||
مواقع النشر (المفضلة) |
|
|
|