02-25-2008, 11:06 PM | #1011 | |||||||
Registered User
|
نبغاك تسمر ولاتسري=بايقع مغاني مع درافه *عاصوت من ذيهم قدام [/poem][/poem]
والمخشني بايجي يجري =حتى ولو النوم بدفافه *بايقوم من فوق المنام * والبكري الشاعر العصري=بايجي عمامته على كتافه *بيجي ويتكلم كلام وإن نام جحدر صحي بدري=شاعر وكلمته شفافه *هايم في العشقه هيام |
|||||||
02-25-2008, 11:47 PM | #1012 | |||||||
شاعر السقيفه
|
يلي تدور على البكري = لابد تحدد لنا أوصافه =منشان نسري في الزحام
مرسول بالشوق بايسري = يحمل تعابير شفافه = بايجيه حتى في المنام وان كان ماحد بينكم يدري = برسل سرايا وكشافه = باتجيبلك كل العلام هذا جوابي جاك عاسطري = مختوم بالود والرافه =واجمل تحيه واحترام |
|||||||
02-26-2008, 09:54 PM | #1013 | |||||||
حال متالّق
|
الهرج هذا ثلج صدري=للهرج اهله وعرافه * يالذي تفهمون الكلام
بالهاشمي بيشتد ازري =يومه على نهج اسلافه * داوم على صلاة القيام انتم حبايب لكم قدري = يعلي على الصدر وكتافه=وانتم على رأسي وسام مانته مجرب وبك فخري =وسماتك العطف والرأفه تمسح على روس اليتام |
|||||||
التعديل الأخير تم بواسطة أبونمر ; 02-26-2008 الساعة 10:01 PM |
||||||||
02-28-2008, 01:10 PM | #1014 | ||||||
نائب مشرف عام قسم الأدب والفن
|
إسمحوا لنا يا شباب بهذا الصوت الجديد ولو أنه طويل شوي وكلمات القافية مكررة مما يجعلها تستهلك بسرعة: الأبو هو:
شرب العسل ما يقع بالفضيله=ذي ما معه نقد ما با يحصل مهيله فيه الشفاء للنفوس العليله=يا بخت من نال منّه ملاء فيجان مع ملاحظة أن عجز كل بيت أطول من صدره. قلنا على هذا النسق ( مع تغيير القافية ):
جينا الحساء في زياره قصيره=شفنا الزهور الشذيات بيضاء نضيره فيها الدواء للقلوب الكسيره=يا العكبري قربها يبسط المهموم هت لي قوالك فصيحات أثيره=يا بو نمر لك عوايد ... قُدُم بالقطيره نوّح في الشعر دايم خبيره=من قبل بعثة محمد وعهد الروم أوضاعنا قال شاعر خطيره=من بادية نهد لُمّان عقبة حويره يا رب وألطف بكل الجزيره=يا ذا الكرم والعطيّات يا قيوم محمد بن سعيــد بن مخــاشــن
|
||||||
02-29-2008, 12:07 AM | #1015 | |||||||
حال متالّق
|
ياريت واصلت عدك المسيره =باتكون فرحتي بك فرحه كبيره
ليل الشتاء بانرده ظهيره =والشهر شاهد والثريه والنجوم شفت الحساء بك نويره =والمسك بن والورد فخنا عبيره ذي في البساتين الخضيره =والتمر محمي في البواسق ومدعوم تعجك فيها المياه الوفيره = والذي من العتم مايشرب يسقيه بيره وجبال باتقول لاحيد صيره=شلال منها يصب وعيون وعتوم |
|||||||
02-29-2008, 10:08 AM | #1016 | ||||||
نائب مشرف عام قسم الأدب والفن
|
أخي أبو عبد الله ... الظاهر ما حد من الشعار با يشارك على هذا الصوت لذا وجب تغييره بصوت أقصر حسب أدناه أو جيب صوت آخر من عندك:
يا ريت بقعاء تستوي بعطيك يا راسي ملاك=بلجود كلّن في رجاك حنبان من فوق الصراط المستقيم= محمد بن سعيــد بن مخــاشــن
|
||||||
02-29-2008, 02:12 PM | #1017 | |||||||
حال متالّق
|
الله يعين اللي بلي بالعشق لاربي بلاك =
يالمخشني لاتكون شاك = عوذمن الشيطان وإبليس الرجيم***= ماشي على كيفك يجي ياللي تدور في خلاك= لاشفت ذا لاتقول ذاك = وانته رجل فهمان ماظنك غشيم ***= |
|||||||
02-29-2008, 08:11 PM | #1018 | ||||||
نائب مشرف عام قسم الأدب والفن
|
يا بو نمر لا تتبع الخاين ولو يعطيك لاك=ما تدري ألا قد رداك وألا يسبب لك قضية سين جيم= &*&*&= وإن كان قد دليت في بير المحبه كل دلاك=الله لا يخيب رجاك نا بعرفك تنسى سْمَك لا شفت ريم= وين الشعار يا بو نمر؟ إذا بقيت وحدي ووحدك خايف نلمخ!!!! محمد بن سعيــد بن مخــاشــن
|
||||||
02-29-2008, 09:46 PM | #1019 | |||||||
حال متالّق
|
من خان ودته الخيانه يارفيقي للهلاك=
الله يحفظنا وياك *= من شر كل حاسد وكل ماكر لئيم = يالمخشني لاترخص اللي في المحبه قد غلاك = وتحب ذي اول شناك*= ورماك في جده وسافر للقصيم = ياريتنا بانلتقي نوياك يكفيني سلاك= عساك تفهمني عساك*= لاتبت بنا سيئون لابغينا تريم = |
|||||||
03-01-2008, 01:43 PM | #1020 | |||||
حال متالّق
|
هذا صوت جديد ونسيم شويه
ريت المحله قال شاعر *باتكون لي في وسط طيبه =كل يوم باصلي جماعه فيك يالبيت الحرام ]
تكفيك بس ذيك المشاعر *من زارها ماحس بخيبه =وسنين فيها تنقضي يالمخشني مثل الأيّام |
|||||
التعديل الأخير تم بواسطة أبونمر ; 03-01-2008 الساعة 02:08 PM |
||||||
مواقع النشر (المفضلة) |
|
|
|