07-01-2011, 01:53 PM | #11181 | ||||||||
شاعر السقيفة
|
ياوسيغ العرف قدّم=للحبايب بالزيانه
لوتقع عنهم بمعزل=باتبيت في حبال الزاهدين هكذا حال المتيم=تفضحه نظرة عيانه ياصديقي لا تحمل=والثقل كسّر ظهور الموشرين |
||||||||
التعديل الأخير تم بواسطة بن احمد ; 07-01-2011 الساعة 10:48 PM |
|||||||||
07-01-2011, 08:43 PM | #11182 | ||||||
شخصيات هامه
|
ياصديقي أبن أحمد .
المغني قال : كل فصل وله شطر أخير غير الذي قبله . فماعليش ياغالي لو تتكرم وتصوب مشاركتك الرائعة كما هي في البدع ولك سلام حار مني . |
||||||
07-01-2011, 11:30 PM | #11183 | |||||||
شاعر السقيفه
|
لا قراء كفي المنجم=قال لي بعطي ظمانه
=شفت نور العين مقبل =ما تبا تنجيم يفهمها الفطين وان بطا نوره مضلّم=ما ترك عاده كيانه =من تربا وسط منزل =تنطبع ذكراه في قلبه سنين |
|||||||
07-06-2011, 01:12 AM | #11184 | |||||
حال نشيط
|
يحسبونا بامعلم ...بن حسن يعرف مكانه
كل من يبذل يحصل...يظفر الا كل ذي عقلِ رزين وعفوا على الانقطاع |
|||||
07-06-2011, 01:37 AM | #11185 | ||||||||
بــــوجــــمــــعـــــان
|
قل لبن عاشور قدّم= بكرة العيم ضمانه
السُلب بيدك وعقل=قبل ماتحلى المغاني والزفين لاتقع عالباب مردم=بن علي يملي ثبانه مال عاده ماتحلل=داخل الغُرفه ومثوى بامتين |
||||||||
التعديل الأخير تم بواسطة سبع الليل ; 07-06-2011 الساعة 01:40 AM |
|||||||||
07-09-2011, 06:25 PM | #11186 | |||||
شاعر السقيفه
|
فصل جديد
يقول الواقعي بالسر هذا اليوم با جاهر=معي شك فالمقدم والحكم حق طاب والا عاب
نبا منّك دواء يالذيب للحالب وللناجر=ونبغى حنطبه يوصف لنا جرعة دواء الاعصاب مصيبه لا قد القاضي انقلب دلال او تاجر=وترّك شرع ربه والذهب لصفر فتح له باب أذا كان الحناش الملس يقتل سمها الجائر=لسان لادمي تفعل كما فعل الحنش بالناب |
|||||
07-09-2011, 07:19 PM | #11187 | |||||||
شاعر السقيفه
|
رحب باقوال من شاعر كلامه لول وجواهر=كلفني شل بو مقصين واضرب صاب او ما صاب
معه بابلغ الواجب كسب والا طلع خاسر=لانه طيب النيه ويتخبر على من غاب لسان الادمي علته في الاول وفي الاخر=وهي في الادمي امثال مافي البندق الضراب دواء الحالب بلذعه ياصليب الراس لا تحاذر=واما الثانيه مالي بها خبره بدون اعتاب ولكن ايش طب الادمي الكذاب والفاجر=ومن سلمه بندق يعتدي به عا اؤلي الالباب |
|||||||
07-09-2011, 07:50 PM | #11188 | |||||||
شاعر السقيفه
|
ترك عندل وخلا مالها والنخل باجابر=ولا له شي طمع في ماذرا والكسب للكساب
بغا في مصنعة عوره على لركان والداير= حراسه بالبنادق ياعمر قنعو من الكذاب ونا مبغاء كلام الوم والتجريح والناير=نضرنا بعضهم لا ولعت يمسي لها شباب ولاكن بنتظر مادام حد صاعد وحد حادر=يقولون المنيه واحده وتعددت لسباب |
|||||||
07-09-2011, 07:53 PM | #11189 | ||||||||
بــــوجــــمــــعـــــان
|
سلام الفين من عندي لكم ياسلوة الخاطر=عمر يالذيب لي حُسبته عندي خيرة الاصحاب
بغيناها تقع سمره وهي سمره الى الباكر=وندارس ونتفاهم ونكسر شوكة الارهاب علي صالح وربعه لي لقوه في الناس ياساتر=وبالحمر ومن حوله من الزمره ومن لحزاب لعد خلو ولا بقو من المهره الى صافر=تمادوا ياعمر فينا وخلونا شبه للعاب ونحن شعب مانعرف سوى الا مرحبا و حاضر=يذمونا يهينونا ونتبعهم كما الطلاب |
||||||||
التعديل الأخير تم بواسطة سبع الليل ; 07-09-2011 الساعة 07:59 PM |
|||||||||
07-09-2011, 09:19 PM | #11190 | |||||||
شاعر السقيفه
|
كلامك ياعمر بلسم لضيق الحال والخاطر=فتح نفسي لقول الشعر يوم اتقفلت لبواب
عرفتك نجم ساطع يهدي الربان لي حائر=ملك وسط العضيده وانت عالمنبر كما السياب خلل باين في القاسم وكبش الساريه دامر=وقد شفنا الرضّه تنخر في المسلف وفي لعتاب ولكن مصنعة حبان شف بنيانها فاخر=مهندسها يخُلّ العود ل أرضى بأفخر الاخشاب ولاهي مثل عرشه فالمطر ما تمنع القاطر=ولو بيتت فيها غصب تصبر عا الوخم والداب |
|||||||
مواقع النشر (المفضلة) |
|
|
|