مساجلات الزامــــل الشعبي

[أبونمر]

عدنا من الأوطان والعائد يجي = مشتاق للأصحاب ذي منه ولاه
شوقي لمجمل والوزيري والذي =في الذاكره اسمه دواما مانساه
مرعي وسبع الليل ذي ماينتسي =ولانسى طالب ذكر دائم علاه
ودي بكم في كل ساعه نلتقي =ومن الجفل عبر لكل واحد ملاه ِ
ومايخص المصطفى واللي جري =معاد يبغي شجب اويبغي وصاه
الأمر واضح والعداوه من بطي =والناس كل واحد يحادي عا عشاه

[مجمل]

آ نستنا شرفتنا يالمربعي = مليون ياحيا عدد قطر المياه
يابونمر دايم مكانك معتلي = انته سراج المنتدى وانته دواه
هتلي خبر من ذي بداري محتبي = هل قد تغير اومكانه في غثاه
قالوا لنا عاقل وبطل يرتشي =نحنا فرحنا خاف ربي قد هداه

[ابوهارون]

[البكري]

يامرحبا بابيات من شاعر فهم### مغزا كلامي وباياتي يشيد
قامت الامه من عارض مايهم### قاطعواالاعدا براي رشيد
تحقق جمعهم اليوم اصبح لهم### يد قويه مثل صلب الحديد
حيرروا اعدائهم وضنوا انهم ### في شتات راي مالهم عيد
اليوم وزنوا وحسبوا حسابهم ### بانظل على جمعنابانستفيد


البكري

[الوزيري]

اقتباس : المشاركة الأصلية كتبت بواسطة أبونمر

عدنا من الأوطان والعائد يجي = مشتاق للأصحاب ذي منه ولاه شوقي لمجمل والوزيري والذي =في الذاكره اسمه دواما مانساه مرعي وسبع الليل ذي ماينتسي =ولانسى طالب ذكر دائم علاه ودي بكم في كل ساعه نلتقي =ومن الجفل عبر لكل واحد ملاه ِ ومايخص المصطفى واللي جري =معاد يبغي شجب اويبغي وصاه الأمر واضح والعداوه من بطي =والناس كل واحد يحادي عا عشاه

الفين حيا يالوفي يابن الوفي=يابونمر ترحيب لك يبعد مداة
يامعدن الشعار يالرجل السوي=ياجيد يلي دوب عالي مستواة
هتلي خبارالي عمد في المشرقي=واخبارها سيئون وان قدرحت ساة
شف شوقنا زايد وحالي ممتلي=لاذكرتهم واذكرت ذاك النبع ماة
لي هو دواء سقمي ويروي من ضمي= من بعدهم القلب يشكي من ضماة
تعبان في سواق البيع والمشتري =حد قد كسب في البيع وحد في مشتراة
وانشوف حد واقف وحد منهم مشي=والبعض بغى انة ذيب ولا نسمع عواة

[مجمل]

يابونمر نحنا فرحنا جم جم = يامعدن الناموس يالراس الشديد
هتلي خبر لوطان خطه بالقلم = مشتاق لخبارك وكل ماهو جديد
هتلي خبر من ذي عشاهم من كدم=قد شي تطور او وعيداً في وعيد
نحنا في الغربه وزاد الهم هم =العيش نتمناه فاليمن السعيد

[سبع الليل]

أنستنا وارحبت ياراس العلم=يابو نمر ياشيك في الخزنه رصيد
ياالف ياحيا وسهلا بالهمم=والروح لي بين الحناجر والوريد
هت لي خبر من حيث ماسار القدم=وارسل لي الموضوع كله بالبريد
شفتا مساهن غيث من شرقي قتم=قد له ثلاث ايام والبارق يزيد
ان شي بشاره باتبشرها نهم=وان كانهاالا هذوله ما با تفيد
خل الخبر مطوي ولاتزيد الالم=لا ياطويل العمر خل نفسك بعيد

[أبونمر]

حياكم الله يارجاجيل الكرم = بالجود مايذكر سوى تربات جيد
ياهمتي والروح كله والنسم =باقولها من صدق ماهو بالقصيد
باثني عليكم ياموفين الكلم = يامن حسبكم جيش هارون الرشيد
عدتي والعده بكم يوم القسم =ومعاويه لامات عد بعده يزيد
عندي خبار الخير والرحمن عم = بالخير والبركات عاساحل ونيد
والعافيه والستر مال المحترم = والناس تتفاوت في العيش الرغيد
حلوا فلل وقصور حلان الخطم =وأهل القصور العاليه منها شريد
واهل المقوب والمحدد والكدم =باعوا بنادقهم لمرعي بن فريد

[ابوهارون]

[معبد]

د نياء الند م اهوين يادنيا الند م = كم فرقت مابين كل جيد وجــيد
الحزن من داخل فؤادى والالم = ماكنّه الا موس يقطع فى الوريد
لاياخلوفت عاد موجودش عد م = ومن تد ّير فيش ماظن يستفيـــد
لكن ذا مكتوب ربك لى حكــــم = حكمه على كل الخلايق و العبيد