مساجلات الزامــــل الشعبي

[المتمكن]

يابن حسن لو صار مهما صار= انته مكانك في الصداره
انته لها يالسيف يالبتار = والصفح عند الاقتداره

[طالب النعماني]

اقتباس : المشاركة الأصلية كتبت بواسطة المصنعه [ مشاهدة المشاركة ]

ذا فصل والثاني على لقمار= بهدي لمن شارك بشاره لهل السقيفه هم ويا الزوار= وعضاه تشمل والايداره هاجس معي بالغوص والابحار= يجيب لوله من بحاره ارجو ان تسمحوا لي بهاذا الفصل

يالمصنعه عاد الخبر يندار=وسط العضيده والمداره
قالوا جحاء بين الحطب والنار=من بعد ماترك حماره
صكه جحاء يتبع عديم الشار= غروه في عقله وشاره
يرقص قفاء الحداد والنجار=خلا ولد عمه وجاره

[هاوي شعر]

ذيهوبغا بايطلع الاقمار=ذاصعب بي طول انتضاره
شاورهلك لاقد غبيك الشار=كل شخص يمشي في مساره

[طالب النعماني]

اقتباس : المشاركة الأصلية كتبت بواسطة المتمكن [ مشاهدة المشاركة ]

يابن حسن لو صار مهما صار= انته مكانك في الصداره انته لها يالسيف يالبتار = والصفح عند الاقتداره

قولوا لعبدالله عليك البار=ياكسب بوراضي وباره
لوحد ميه مثلك في الشعار=يلقي الوفاء دايم شعاره
ان كان لا حسني ولا غوار=عالمنتدى بيشن غاره

[طالب النعماني]

ياكاسبين العز والمقدار =كلن بعزه واقتداره
والادمي مهما لقط واختار=ماشي يجي حسب اختياره

[هاوي شعر]

كل من لبس من صنعة البيطار=يوخذ ويعطي في المداره
ياذي بغيت الحلو يرجع قار=مبعد تجرعت المراره

[طالب النعماني]

ماحد يحمل عاجمل خوار=وإلا يشل مصفوق خاره
مابايجمل لا شعلت النار=في حلها باتكوش ناره

[المتمكن]

لازم يحط الطير مهما طار = في الجو يرجع لاشجاره
ولا يجيه الصقر بو منقار= يعطيه نقفه فوق كاره

[طالب النعماني]

اقتباس : المشاركة الأصلية كتبت بواسطة المتمكن [ مشاهدة المشاركة ]

لازم يحط الطير مهما طار = في الجو يرجع لاشجاره ولا يجيه الصقر بو منقار= يعطيه نقفه فوق كاره

ياصاحبي طبع الزمن دوار=كلين له لفه وداره
والسوق له تجار من تجار=ذي هم يعرفون التجاره

[هاوي شعر]

يالمبتدي خلك مع الزوار=لاتدخل الغبه بطاره
بيجبك حوت القرش مسرع فار=بيشللك هجمه وغاره