(((((الدان)))))

[أبونمر]

بادخل بمركبي في ذا البحر باغامر=بحر الهوى من دخل يظفر بمرجانه
ويطلع اللول من قاعته والمعدم= يصبح غني لاطلع باللول ذي بالقاع

[البكري]

دخل في البحر خافك تقع شاطر ### اللول عمـرك ما باتعرف الوانه
اللول بيدي ونامن صدق باتكلّم ### يكفينا مامعي والزايد لكل طمّاع


البكري

[بوجنيد]

يهل السقيفة دخلنا ماترددنا**يوم الوزيري دخل منظومة اشعارة
ببيات حلوة مليحة سهل معناها**يستاهل المدح منهوفي السلاحبان

[ابوهارون]

العفو يا بوجنيد انت خرجت عن الفصل مقبوله يالغالي
.

[البكري]

ماشي في الاحوال ولكل ذنب رب غافر ### وانت من الله طلب عفــوه وغفــــرانه
من طلـــــــب المولى بكــل خير بايغنــم ### من تقرب شبر للمولى تقرب له ذراع


البكري

[ثابت بن ماضي]

افكار واشعار جم تطري على الخاطر=لاذكرت وادي خضر وذكرت حلانه
وذكرت ماراح من عمري وماتقدم=ااهين في اه لاذكرته نعض لصباع
فيه الوفاء والنقاء وناس تتحاذر=والجبر والجود والمعروف عنوانه
جنه وفيها جميع الناس تتنعم=ياحسفت الله وش ذي غيًرالاطباع

[أبونمر]

[QUOTE=البكري][align=center]دخل في البحر خافك تقع شاطر ### اللول عمـرك ما باتعرف الوانه
اللول بيدي ونامن صدق باتكلّم ### يكفينا مامعي والزايد لكل طمّاع

من قال نا في بحور العشق باخاطر =يدخل ولاقد دخل لايغمض اعيانه
لاشاف غوط الغبب والموج يتلطم =يحسب دخوله ويحسب حقه المطلاع

[أبونمر]

شوقتني لامطارح منها الماطر = ماينقطع دوب والراعد بقنفانه
سبحان قد خصها بالخير وتكرم = دوب القزع في سماها والجهام اقباع
تاريخها لي مضى توج في الحاضر =يوم الخواطر صفت والنفس قنعانه
والناس تتفهم الواقع وتتعلم =من سالف الوقت بعزيمه وجد واقناع

[البكري]

اقتباس : المشاركة الأصلية كتبت بواسطة أبونمر

من قال نا في بحور العشق باخاطر =يدخل ولاقد دخل لايغمض اعيانه لاشاف غوط الغبب والموج يتلطم =يحسب دخوله ويحسب حقه المطلاع

مامتلى سعنه من قعد على القاطــر ### ولا حد يسابق ومعه مطيّة جربانـه
من معه هيج دوب علىالناس يتقدّم ### ونا هيجي لا قدم مايعرف المرجاع


البكري

[أبونمر]

وين الوزيري ومعبد وينه الفاطر =ذاهو يزم الضرك والحمل عامتانه
والطنطله كأنها لامعصرة سمسم =تغشب غشب لونها ابيض نقي لماع
ماباك يالغيل في خطتي وحباير =باعبر طرق ثانيه بالناس مليانه
فيها السلى والنسم والناس تتنسم =ويقسمون السلى فيها ثلاث ارباع
باجنب الهيج في التجنوب والعابر =يعبر سبيله وله جوده واحسانه
وباتلبس كساء للصفو باتهندم =وبادخل في المداره الأولي بالراع