مساجلات الزامــــل الشعبي

[!! شلون مغليك !!]

[3mr=backgrounds/16.gif]الذيب والغازي معه لاقف سرف ******** ياويلهم اليوم بسرفهم سراف


لاياعمر الذيب خلك في مكف ********* لاعاد تتكلف مع الغازي كلاف


صاحبك متخلف وحكمه اعترف ******** ايده ورجله باتقطع من خلاف


ريته بقي مثلك اذا الدارف درف ****** يقصد في السمره ويصقع بالدفاف


خل المعارك عند حميان الطرف ******* لي دونهم كمن ولد يرجع عياف


اليوم ياصاحبي ابو حسني حلف ******* بايهبن الغازي لما يصبح وطاف[/3mr]

[أحمد العمودي أبوفيصل]

يامرحبا بأبيات لقا في الراس شف= شوفه في العقبه ذا طالع وشاف
لاطلع ماليوم ماحسني محربله نظف = واحد من المخدم يكفيه الوضاف
صاحب المخدم عمدلك عالطرف = وأصبر على الدخان حاوش عالطراف
خلك كما يعقوب لي حبه نسف = وأمسك بالمنسف لاننسفك نساف
ماراعي المخدم ذا ريقه نشف = وبلقي في أذنه على اليسرى خشاف

[حد من الوادي]

مرحيب يا حسني بسيلك لي ردف === شل الضمرهي والسواقي والكتاف
عاشو رجاجيل الكرامه والشرف === لي ينكرون الضلم واصحاب الخلاف
شف ما بدى مهيون من داره شرف=== فزعان حد يسمعه من ضله يخاف
كل من سكت والله شف قلبه سخف=== او من مدحهم شفه ذا عيف العياف
الارض محتله وذا السارق خلف === والبرتقاله باعها من يوم خاف
والذيب والشارق بغو حتى سلف === قالو لهم ما شي اراضي يالخفاف
ذه ارض بالدولار ماهي لمن هرف === ياويل بوحضرم اذا خالف خلاف
انتم حضارم من حضر نعطيه كف === يستاهل المهتوف لي يهتف هتاف

[!! شلون مغليك !!]

اقتباس : المشاركة الأصلية كتبت بواسطة حد من الوادي

مرحيب يا حسني بسيلك لي ردف === شل الضمرهي والسواقي والكتاف عاشو رجاجيل الكرامه والشرف === لي ينكرون الضلم واصحاب الخلاف شف ما بدى مهيون من داره شرف=== فزعان حد يسمعه من ضله يخاف كل من سكت والله شف قلبه سخف=== او من مدحهم شفه ذا عيف العياف الارض محتله وذا السارق خلف === والبرتقاله باعها من يوم خاف والذيب والشارق بغو حتى سلف === قالو لهم ما شي اراضي يالخفاف ذه ارض بالدولار ماهي لمن هرف === ياويل بوحضرم اذا خالف خلاف انتم حضارم من حضر نعطيه كف === يستاهل المهتوف لي يهتف هتاف

.................................................. .................................................. ....................................

اهلا بقول الي على العز والشرف **** شريف من نسل الاجاويد الشراف

ابشر بسعدك لي يصيبون الهدف ***** جنبك رجاجيل المعارك والهداف

يبلغون القول يقضو كل شف ****** ويضربون الخصم بذلاق الرهاف

ونته عقيد القوم وترك من خلف ***** لاتحسب الي دوب موخذ في خلاف

اهل الرديه لاتصدق من هرف ****** مايعرفون الصدق بس كله هراف

مثل الغويزي شل مدراف اودرف **** ماله محل بين الرجاجيل النضاف

ذلا الوعول الي بها قشعه وزف ****** ان حد حضر لازم نلقيله مضاف

[أحمد العمودي أبوفيصل]

ذا فصل والثاني يالهاجس سمر = هتلي خبرحسني وقلي أيش صار
لي ولع الجبهه وخلاها تحر = واليوم ياحسني شوف الجو حار
السيل ذا مروس وبيشل الشجر = ترفع من الوادي لايجيك الشعار
بعطيك أشعاري وفيه عدة شهر = ولا وديناك مستشفى شهار
وياحد من الوادي أناعندي خبر = أنا عارف النشره وتفصيل الخبار
خلك مع نفسك ولاتثير الشرر = عشرين سنه وأنته تولع عالشرار
كمن رجل معروف ميت من القهر = وكمن رجل تاجر ضيع العقار
حصن الغويزي اليوم شيد وأعتمر = وياكمن عمائر دامره صارت عمار

[محمد سعيد بن مخاشن]

إلى الشاعر المبدع عمر الذيب

وسلام يا الذيب يا الكاسر وعطني الأمان=قولك بلغني مثيل الفل والأقحوان
وتقول تلميذ لي وعْـكست المكان=الله يشهد بأنك لوّل وخوك ثان
جاوبت وإعطيتني سندس مقابله طان=وإعطيتني لول فِمْقابل حجر كهرمان
ذا فصل ... من بعده إني قاتِـلِتني الهموم=بيت سمير الثريا عد وإحصي النجوم
من بعد نحر المنب يا خوي ما هنيت نوم=شف كل ما صابنا من بدونا في الصروم
واليوم ينعق على دجله دميمات بوم=وغربان سوداء في الجو قد بطت هي تحوم
سيبان ذلوا وبو عوبث معد قال لوم=ونهد والصيعري والعولقي والحموم

محمد بن سعيد بن مخـاشــن

[أحمد العمودي أبوفيصل]

يامرحبابالي على المطرح عبر = غبر على المطرح وملانا غبار
دحق على زرعي وعاده ماشبر = يرفس بأنعاله من فوق الخضار
شفني على المطرح مسويلي مقر= ولي عبر مثلك يذوق الحلو قار
السيل من عندي أشوفه منحدر = لاعند أبن موكا بيشل الديار
قولوا لبن موكا تحذر وأحتذر = خله في عينك دايم ألاحتذار
وانه بغا كيه شوني مقتدر = باحطله كيه بخفه وأقتدار

[عمر الذيب]

[من عمر الذيب الى اخيه الشاعر محمد سالم بن مخا شن"]

انست يابن مخا شن يا شديد العزوم = تضرب ببندق ولا تخطي تصيب العروم
بلجيك ملقي على كتفك ومسبت يزوم = فيه الرصاص االمشوك بي قضي كل لزوم
لا بان بادي وجانا يوم قيع الخشوم = لا خذت قسمك ترك للذيب خمسه قسوم
وانس المنيب المغيب وانتبه للغيوم = ساهن مخيله قويه با تجينا عموم
كلن يمكن ضميره والخبر والعلوم = نخل المجاري يبس فيها الكرب والجزوم
والمال كله دمر ولعاد قطعه بسوم = سبت هويج الرقب قزيت فوه وبروم
اما القبا يل تركها من وجعها تعوم = لي في الفوا ضل يصيحو والذي في الريوم
مادام ظالم وغير الله ماحد يدوم = والظلم بعده قيامه عا الظلم باتقوم

[عمر الذيب]

انست يالغازي عدد طش المطر = و تعدادماهابط هبط ارض المطار
واعداد مابارق وما راعد زجر = من فوق ابين لي تقابل زنجبار
حيا الكلام الزين جاني معتبر = مثل الذهب في السوق ماقديوم بار
غالي وله معنى يسر القلب سر = وانا فرح كل ماوصلني هرج سار
هذا الكلام الزين ياوعل النتر = لحنه يهيضني ونغمات الوتار

عمر الذيب

[أحمد العمودي أبوفيصل]

ياعمر يالذيب خلك في الوصر = ماليوم أناشفتك تقافز عالوصار
أن حد غرم وألاماعنده بصر = ليش تتبعهم وهم ماهم بصار
أن حد بغا المغنى شوفوا بونمر = والزامل هنا عند الوعاله والنمار
لاتقع في الضر شف خطي حمر = ومن تعدا الخط بيقع في الحصار
ياعمريالذيب شف خطي عسر = وأن مشيت في الخط باترجع يسار
ولعاد باينفع اذا الموتر كسر = ولعاد شي بيفيد وفي الرأس الكسار