(((((الدان)))))

[البكري]

لا جيت لسّلا مابانخلّي عليــك قاصر ### نحب الناس لي في السمر ولهانه
من جا عالجود بالقيله ناظري مـردم ### وباطيـــع كل من لي لبّــــى وطاع
بانبات في السمر لمّا نغيـب الزاهــر ### والكتاب يابونمر يبان لك عنوانه
والسمرياصاحبي حبّه وفيـه امتيّـــم ### وقلبــي على اهـــل السمر ملتاع


البكري

[أبونمر]

اعتذار
ماعليه ياشباب انا آسف دخلت هنا وكنت اتوقع ان لي مكان بينكم ولكن يظهر عكس ذلك وربما عطلت عليكم بقصيدي كونكم انسحبتم ولكن انا الذي سانسحب من هنا وارجو العفو والمسامحه منكم ياخوان
وانا اعترف ان قصيدي لم يكن بمستوى قصيدكم الراقي وقد تخونني بعض الوزون اطاله اوتقصير ولكن الهدف اكتساب الخبره وترويح للنفس معكم لتقارب اللهجه والهوايه ولكن ايضا اكر ر اسفي وادعو الأخ البكري ان يحذو حذوي حتى يستمر السمر مع بقية الشعار صحيح ان الشعر الركيك يعطل على القوي ويحد منه ويؤثر على صاحبه وهذا شي معروف ولكن والله نحن قصدنا الوله والتعلم

[الوزيري]

اقتباس : المشاركة الأصلية كتبت بواسطة أبونمر

وين الوزيري ومعبد وينه الفاطر =ذاهو يزم الضرك والحمل عامتانه والطنطله كأنها لامعصرة سمسم =تغشب غشب لونها ابيض نقي لماع ماباك يالغيل في خطتي وحباير =باعبر طرق ثانيه بالناس مليانه فيها السلى والنسم والناس تتنسم =ويقسمون السلى فيها ثلاث ارباع باجنب الهيج في التجنوب والعابر =يعبر سبيله وله جوده واحسانه وباتلبس كساء للصفو باتهندم =وبادخل في المداره الأولي بالراع

هذا الوزيري وصل ويقول انا حاضر= ماغاب في ساعه الداعي ومن شانه
قد جيت باوصل الواجب و باتنَهم = باعطيك قولي وريتك باترد في ساع
الغيل دربك اذا ماتحمل الفاطر=يومه جباله شوي وعره وكثبانه
لكن بايريض قلبك فيه وتخيم = ولعاد بتشوف لا يابونمر اوجاع
من سمح كلين يعرف دوب ويخابر=بالغيل لي يعجبك نخله ومعيانه
ياكم وكم شيخ لي يعجبك متعلم =يملك بساتين من شان الكرم ماباع

[ثابت بن ماضي]

يابو نمر جيت واحنا فيك نذاكر=فرحنا بجيتك يوم الروس غيانه
نعرفك لادخلت للطابور باتمم=وباتهاجم وساعه بانكون ادفاع
لو كان ماجيت لك بانرسل اتذاكر=او بانزورك واحق للخو على اخوانه
والعلم من بعضا كل حين نتعلم=والشكل بايكتمل لاتكملت لضلاع

[سعيد محمد علي عبود باوزير]

يبقى الذهب هو ذهب المعدن الفاخر =ولا يغيره الزمن يبقى بلمعانه
والصفر هو صفرباكبه ولا بندم = ولا حسبته ذهب من برقه اللماع

[سعيد محمد علي عبود باوزير]

الله الله تسلموا ياشعارنا
غنوا والدان يزيد الشوق للوطن والاهل والاصحاب
ويابونمر كلنا اهل واخوان والله يديم المحبه بيننا
والبكري وكل شاعر الدار داره ومعجب انا بشعره وفهمه للشعر
تحياتي للجميع
اخوكم ومحبكم
سعيدباوزير

[ثابت بن ماضي]

وين راعي العنيه بغينا فصل جديد

[البكري]

باتواضع انا معاكم والله ماكابر ### ماحد يعابر شاعر على لسانـــه
بكل شي باخابر ولسر اناباكتــم ### والشمس قبل تشرق لها شعاع


البكري

[الوزيري]

ياشعار لوسمحتو لي بالفصل واتمنا ان يكون شعرنا في العشقه لان المواضيع الثانيه ملينا منها
والاخ الباشق مايحتاج في هذا

ذا فصل ياهل المغاني طابت السمره=ياريت يسمعني الباشق يجي يسمر
بانقسم الدرب للطالع وللنازل = كلين ياخذ طريقه في سنع وانزول

[معبد]

صاحبك في العشق كانه من بنى عذره = لاقد دعيته على الماجوب مايعذر
والدان ياهل الهوى ماهو كما الزامل = لاقد سمعته همومى كلها بتزول