مساجلات الزامــــل الشعبي

[بن بريك]

السيل في الحيضان ما قدرته = جانا على غفله مصبح باكر
ما شفت برقه ولا سمعنا رعده = سيل السهاله بقدرة قادر

[بن بريك]

يالله رجيتك كل شهم اسعدته =وكل مجرم لا جهنم صادر
وان حد بعيد الدار لاهله جبته = بقدرتك ياربنا يا قادر

[بن قطمان]

ياخير بندق ياولد قلبته=وقلت باشله ولاني خاسر
والمشكه بالصوب ماجربته=فيه الزحل يخطي وضربه عاثر

[بن بريك]

وص الولد كل يوم لاقابلته = ليام تجري مثل منته خابر
سلم على الجار لا شاهدته = لو هو ثقيل الدم خلك صابر

[كابتن طيار]

الشيخ بن قطمان لاكلمته= لاهو سمع هرجي ولا هو فاكر
شرع المخوه بيننا وثقته = حكم الشريعه دايما على الظاهر

[سبع الليل]

ن

اقتباس : المشاركة الأصلية كتبت بواسطة بن قطمان [ مشاهدة المشاركة ]

ياخير بندق ياولد قلبته=وقلت باشله ولاني خاسر والمشكه بالصوب ماجربته=فيه الزحل يخطي وضربه عاثر

قل للقطيمي صاحبك دفرته=يومه شقي في كل شي بيدافر
ذا يومنا من طيبتي شرفته=واليوم بايلقي كما بو جابر
ياريتنا الا قبل ذا سفرته=قدام ما يكبر علي ويكابر

[بن بريك]

هذا سلب له قود ماتعلمته = ماكل رامي يبيت ظافر
يبغى صلابة يد اذا وجهته = وتشوف صوبه يشرح الخاطر

[بن قطمان]

قد لي سنه زايد سنه ودرته=والبيت باسلاب الجرامل عامر
وصاحبي بالصدق قد ناقشته=يومه كناني من خصيب الماطر
عالم ويتعلم ونا علمته=واليوم علمني وطالع شاطر
وان ما فهم ياهل السبب فهمته=والجود والمعروف يبقى سابر

[طالب النعماني]

تقبل الله منا ومنكم صالح الاعمال

[بن قطمان]

طالب لماذا عندما تدخل ماتكتب زامل ام انك لاتكتب زوامل
برمضان الله يتقبل منا ومنك صالح الاعمال