مساجلات الزامــــل الشعبي

[سبع الليل]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

هيجنا لاهدر=يوصل لاأبيّن وأحور=ون طلع أوندر= شل الحمول الثقيله ميمسي فالوصر=داهل على كل مهذر=من طراف الشجر= يرعى الغصون الجميله

المشجري لا حضر= الناس كلين حضّر=جاو من كل بر=ليله ولا الف ليله
بستمع للمكر= والصوت لا قد تكرر=من صلاب الفكر=نعم الرجال الاصيله

[صوت سيبان]

هاجسي لاحضر=بين المفتح ولعور=شل لي فالكمر= ولي مطرف يشيله
مايهاب الخطر=في بحر ستين يبحر= ون غبن وأنقمر= حقه غصيبه يجيله

[علي بن طالب الحامد]

كيلكم قد قصر=يالبيض غب لك مقصًر=جيت تبغا المقر=طامح تلقي دويله
قد نفضنا الغشر=والحب ذيهو مغشر=هنت كل البشر=واركزت عالم رذيله

[بن بريك]

الف حيا بشاعر لاحضر لازم احضر = جيت طالب سمر سعف الرجال الجليله
عندكم شي بصر ياليت ماحد يقصر = من حضر للمقر يوفي بعهده وكيله

[ابوشحوف]

برد وان كان حر = سعف الرجاجيل بطمر = لجل نوب الصرر = نوب الديار الدويله
جيت وديان سر = وعبرت منوب ومنخر = حالهم في كدر = ويناظرون المخيله

[علي بن طالب الحامد]

شوف بندر عمر=اليوم صالح معمر=عاد خطه سبر=فيه العماير طويله
والطرق ذي عبر=كله مسفلت مطورر=مر لمح البصر=العبر لما المسيله

[علي بن طالب الحامد]

اقتباس : المشاركة الأصلية كتبت بواسطة بن بريك [ مشاهدة المشاركة ]

الف حيا بشاعر لاحضر لازم احضر = جيت طالب سمر سعف الرجال الجليله عندكم شي بصر ياليت ماحد يقصر = من حضر للمقر يوفي بعهده وكيله

يابن بريك الاول ماهو على الشله

[أحمد العمودي أبوفيصل]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

هاجسي لاحضر=بين المفتح ولعور=شل لي فالكمر= ولي مطرف يشيله مايهاب الخطر=في بحر ستين يبحر= ون غبن وأنقمر= حقه غصيبه يجيله

كل شي بالبصر = والناس شفها تبصر= لاتقود الجهر = وقت الليالي الطويله
باسري بالقمر = بطلع حروبه وعجزر = مابغيت الهمر = عندي كروزر بديله

[سبع الليل]

اقتباس : المشاركة الأصلية كتبت بواسطة علي بن طالب الحامد [ مشاهدة المشاركة ]

كيلكم قد قصر=يالبيض غب لك مقصًر=جيت تبغا المقر=طامح تلقي دويله قد نفضنا الغشر=والحب ذيهو مغشر=هنت كل البشر=واركزت عالم رذيله

وضعنا لا أنفجر= وايش بايضف المفجر=ديك وسط العكر= والثعل بيطول ذيله
سيل مثنات سر=والغيث من سمح سبّر=بايشل المدر=وديار جم في صليله

[خالد بن قاسم]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

هاجسي لاحضر=بين المفتح ولعور=شل لي فالكمر= ولي مطرف يشيله مايهاب الخطر=في بحر ستين يبحر= ون غبن وأنقمر= حقه غصيبه يجيله

وين بندر عمر = ياسكني خور مكسر = صدروا لي خبر = لاشي في اليد حيله
كل واحد نفر = عندي كما خمستعشر = لا زعل واعتكر = كل من يعاديه ويله