مجلس الدان الحضرمي

[القرنزح]

اقتباس : المشاركة الأصلية كتبت بواسطة المطلع [ مشاهدة المشاركة ]

معي عدني امل للآن ماقد خابت امالي =ولاقدخابت الأمال من ضلى معد بيبات قدا الأبواب بايشرد يخب للباب طوالي =ولكن خاف للكالون جم عدها تقع فرتات وذي قالوا عنيده العند صبحت خلا خالي =مدافع هون مافيها وبازوكا ودبابات ولاشي خير في ذولا ولاذولاك إجمالي =اذا واحد لقاء حسنه تحصل ضعفها سيئات

كلامك صدق يبن الناس جما لك وجمالي=يبيعون البصل ابما حصل بريال او عانات
ولكن حسب ماقال المثل من اهل لمثالي=الى هي للذيب بتكون ذيب ارضك بدا مرات
ولكني اشوف انه يهز الارض زلزالي=على مقياس رختر حسب ظني عالي الدرجات
يصل لا سبع بعض احيان سبع ونص يالغالي=وبايجيب القثم والصيعري وعيال بن عبدات

[الطامع]

رجال الصوط لا دخلوا احسه ينشرح حالي = يجيبون الكلام الصدق لي فيه الحكم وعظات
عيال ابليس هم عينه من اولهم الى التالي = ولا شي فرق في الأعمال والأقوال والعادات

[بونواس]

عسى رب السماء يستر ويصلح ذي على بالي
يجنبها مصايب ذا الزمن وتعدي الازمات
عساها تشتفي من باسها بت زيد لهلالي
وترجع مثل ماكانت بطي ملكه
من الملكات

[القرنزح]

اقتباس : المشاركة الأصلية كتبت بواسطة الطامع [ مشاهدة المشاركة ]

رجال الصوط لا دخلوا احسه ينشرح حالي = يجيبون الكلام الصدق لي فيه الحكم وعظات عيال ابليس هم عينه من اولهم الى التالي = ولا شي فرق في الأعمال والأقوال والعادات

انا مالي بحد الا بمطلاعي ومنزالي=ابيلي معامله زينه مع تخفيف الاجرات
وبن عمي يعاملني كما هندي وبنقالي=وطارح لي في الجمرك اوادم مالها ميقات
كذا والا كذا من شرهم مسلمت في حالي=ولا استامنت فيهم با يبيعونك ببندل قات

[بونواس]

عبر رف ع مطارحهم خطه بوهم لطوالي
ولكنك تعين وانتبه لاتطيح فالحفرات
حفر باتشوفها سدك لقاها شخص محتالي
ولاماحذرتها باتقع ضحيه طيبة النيات

[القرنزح]

اقتباس : المشاركة الأصلية كتبت بواسطة بونواس [ مشاهدة المشاركة ]

عبر رف ع مطارحهم خطه بوهم لطوالي ولكنك تعين وانتبه لاتطيح فالحفرات حفر باتشوفها سدك لقاها شخص محتالي ولاماحذرتها باتقع ضحيه طيبة النيات

انا دارس ومتعلم وهرج القيل والقالي=زقلبه دائما خلفي في الجيات والروحات
وعدي عا حفرهم والمطب في كل مسيالي=ولكن ذي السنه من حيث ما عديت تفتيشات

[سالم عاشور حسنون]

اذا خالي صدر منه ضـــــــــرر ما باه ذا خالي
[فما بالك اذا غيـــــــره تقع لي دايمـــــــا زلات
زمن قد لي ونا صابر على ذا الجور ونصالي
[فضيله قال ود حسنون دوب الوقت فـي اهات

[القرنزح]

اقتباس : المشاركة الأصلية كتبت بواسطة سالم عاشور حسنون [ مشاهدة المشاركة ]

اذا خالي صدر منه ضـــــــــرر ما باه ذا خالي [فما بالك اذا غيـــــــره تقع لي دايمـــــــا زلات زمن قد لي ونا صابر على ذا الجور ونصالي [فضيله قال ود حسنون دوب الوقت فـي اهات

هلا من عند بن حسنون جانا خير مرسالي=بريح المسك ينفح والكلام الزين له نفحات
ولكنه يعاني من زمانه جم وشكالي=وفيما قال حسيت الندم والاه والحسرات

[سبع الليل]

ولد حسنون بايشكي ظروف الوقت طوالي=صبر قل له عسى ها تنجلي في ظرف ساعات
وخل الثقل فوق القاع لا تتحمل اثقالي=ولا تحمل هموم الوقت والدنيا لها كزات
بعد من صحبة العسكر وحاول ترضي الوالي=ولاة الامر طاعتهم علينا فرض في الايات

[علي بن طالب الحامد]

اقتباس : المشاركة الأصلية كتبت بواسطة بونواس [ مشاهدة المشاركة ]

عسى رب السماء يستر ويصلح ذي على بالي يجنبها مصايب ذا الزمن وتعدي الازمات عساها تشتفي من باسها بت زيد لهلالي وترجع مثل ماكانت بطي ملكه من الملكات

متى شاف المرض دكتور متخصص بالامصالي=تماثل للشفاء المعلول ذي قبصّنه الحيات
انا بشرك باترجع على عرش النقاء العالي=وخايف لفلحت تزعل وتحمس منها الضرات
دواه الجرح لا ياخوك لحسة من عسل غالي=ولا ماجاب ع الدافور بارشن وانجح الكيات
وبرقه تغير من قابس لبس شيذر ودسمالي=و عداء امس متعمم وغيره يردف الونات
وحقه هي ولاهله قد دفع في مهرها غالي=بحربة جدها لا يا علي سّدد في الطعنات