مجلس الدان الحضرمي

[علي بن طالب الحامد]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

لنقسم ليلك الدامس لزوماً تجيله = خل موترك مادام المواتر يحنون سر بشويش في الصيقه ومر في الغليله= وانتبه من كلاب البدو ذيهم ينبحون

حد في السوط للبدوان يلقي فضيله=الضماء قد قتلهم كل ليله يموتون
والجنابه عليهم قد لها ميت ليله=للمساجد حرم والله ماهم يعنون

[علي بن طالب الحامد]

حيا بكم

[عمر الذيب]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

غايت الشخص شفها ياعمر والوسيله = كلمت الود لاجاته من إنسان مزيون وأنت طمّاع في قوته وفي سلسبيله= خاف منك عباد الله يشفهم يخافون

لا تصدق دعايه من عمر با صليله=واستمعلي وخذ مني وخل ما يقولون
نا عمر ما سري لا شفتها غنطليله=سير بالضؤ والليهو في الكون بيكون

[المطلع]

اقتباس : المشاركة الأصلية كتبت بواسطة علي بن طالب الحامد [ مشاهدة المشاركة ]

والدبغ في المساجد ع المنابر زقيله=شفت حراث يقراءبالقلم ماذكر نون والفتن كل شاوي شل فيها صميله=والدكك والمطابخ حقكم ورث مضمون

ايه الكلام ذا ياحبيب قدك الا تضدح شفك وخرجت من المألوف للمذلوف واذكان اهل البيت هذا كلامهم الله يستر
ونا ماخصيتك بشي كلام ولو كانك شاعر صدق كان فهمت معنى الكلام ولكن الله يهديك وذيه جوابك والعفو منك

ياعلي شوف هرجي وين رايح دليله =قبلما تنفعل للهرج معنى ومضمون
الحنق والحماقه فيك عاده دويله=والخيانات فيكم بعتوا الزين بالدون
الوطن ضاع كله من حكومه هزيله =رأسها البيض والعطاس كانو يحكمون
كل سيد وفي شه بالصفات الجزيله = لاتكلم جزل عند الذيهم يجزلون
وانت يومك غبي خبرتك عدها قليله = ضاع مالك في الدكان كسرات وديون

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لا تصدق دعايه من عمر با صليله=واستمعلي وخذ مني وخل ما يقولون نا عمر ما سري لا شفتها غنطليله=سير بالضؤ والليهو في الكون بيكون

نشهد انك تقول الصدق مافيك حيله =ذه شهادتي ماسيبي بذي مايشهدون
مشكله في الذي بايبيع شيله وبيله =في سلع تالفه عالأنتهاء حط شترطون
وانت شرعي وفي مافيك حيله وميله=بالتواضع عليك الناس كل يوم يثنون

[المطلع]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

غايت الشخص شفها ياعمر والوسيله = كلمت الود لاجاته من إنسان مزيون وأنت طمّاع في قوته وفي سلسبيله= خاف منك عباد الله يشفهم يخافون

عاد قلبي يحن عاجذع شجره ضليله=في وسط مال عمدت بين منقى وليمون
دانيه بالثمر بادفع عليها نقيله =لوعليها دفع حتى ثلاثين مليون

[عادل بن عزون]

اقتباس : المشاركة الأصلية كتبت بواسطة المخشني [ مشاهدة المشاركة ]

متى بتثور بلدتنا؟ أشوف الحظ ميّـالي مشوقن يا مجمّـل للوراء ... يا كثرها الميلات *** خـُـلـُـقنا تحت نجم القحط ونجم الغير همّـالي وأظن جدّي معا جدّك رْتـَــكبوا معظم السيّـات محمد بن مخــاشــن

وأظن جدّي معا جدّك إرتكبوا معظم السيّـــات!!!!!!

يقال أن أعمال الأجداد والآباء السيئة تظل آثارها في أعقابهم إلى سابع جيل

[المطلع]

اقتباس : المشاركة الأصلية كتبت بواسطة المطلع [ مشاهدة المشاركة ]

عاد قلبي يحن عاجذع شجره ضليله=في وسط مال عمدت بين منقى وليمون دانيه بالثمر بادفع عليها نقيله =لوعليها دفع حتى ثلاثين مليون

ريت من حب حد من حيث ماهو يجي له = بابني قصر في الريده وآخر بسمعون
للحبيب الوفي مول الصفات النبيله =لأجل لاجيت حل عنده مكرم وممنون
الوفاء شيمتي ماهو بعاده دخيله =عن كرمنا جميع الناس قدهم يسمعون

***
************************************************** *
فصل جديد ياشعار

ذا خرج فصل والثاني بلاش التعنّد =خلها عالوكل يالهجس سيب التعناد
وان تكلمت باخلي كلامي مفنّد =بانفنده بالكلمه وبالحرف فناد
لأجل يفهمه كل ضابط ومن هو مجنّد=والذي عاده الا بينوي عالتجناد

[بونواس]

قداك ياصليب الراس والمعذره على انشغالنا بعض احيان

[بوشاكر]

سمره من اجمل السمرات التي اطلعت عليها وماينقصها الا بن مخاشن وبن احمد وبوشاكر امانه انها غاية الروعه وقمة الأبداع
واسمحوالي ان اطرح هذه المشاركه على الفصل الأول وارجو المعذره والسماح من الشاعر المطلع على تجاوز الفصل

من تذكر زمانه بات نفسه عليله =والكدر حالفه والهم والغبن وشطون
ريت لي يوم نمسي او تقع لي مقيله=عند دار الكرام ذي فوقها اربعه حصون
والحراسه معي بالهطف والبافتيله =لافلنطات نبغيها ولارصاص مرشون