مساجلات الزامــــل الشعبي

[ابو صقر..]

هاجس معي لا قد سمع صوت الزامل=ماينزقرلي كيف سوي به يكوت
قالو لي العراف قم اذن وصل=وكثر من التسبيبح في حل القنوت

[خالد بن قاسم]

لاتقولي حيا على خير العمل=واكل الرطب خله مع خصار الشفوت
واسجد لربك صل ياصاحبي صل=صل العشاء واصبر على شلب الغتوت

[بن بريك]

يالربع في ذا الوقت يا كثر العلل = انفوس جم منها قريبه باتموت
ماحد قدر يعدل ويصلح ذالخلل = واهل العقول الراجحه حبوا السكوت

[بن بريك]

انا جيت بتشرف وباشوف العمل = يوم العوامل في الحجل تصبح غتوت
وصاحب المطرح يحب حلي الجمل = اما المكاين واقفه تبغى زيوت

[صبي العول]

ارحبت حيا بك على صوت الزمل=احسن من الورقه ومن لعب البلوت
صوت الشبامي مرتفع تحت الجبل=نبراس ياحلان وادي حضرموت

[بن بريك]

فصل ثاني وبارحب وبثني عليكم = قال شاعر لبا اقوال فيها معاني
سار ساني مشى وحده وخيب رجاكم = ما بغى له مشارك وقت دبس المجاني

[أحمد العمودي أبوفيصل]

حد في العضيده

[الجوهي*]

السلام عليكم ورحمة الله وبركاته.

[أحمد العمودي أبوفيصل]

وعليكم السلام فصل يالجوهي

[الجوهي*]

الله يسلمك ويبقيك ياشيخ حمد والله ماشيء شف الليلة , إلا إن شيء بدع من عندك بنشوف بنحاول .